Nóg ‘n Chinees in belastingskandaal vasgetrek

‘n Vyfde Chinees is gister op die Hosea Kutako Internasionale Lughawe in verband met beweerde belastingontduiking van N$3,5 miljard, bedrog en geldwassery inhegtenis geneem.
Zhihua Gua het gister in die landdroshof in Windhoek verskyn en is op borg van N$1,5 miljoen vrygelaat.
Hy is nou die sesde beskuldigde in die saak. Vier ander Chinese - Jack Huang, Tao Huizhong, Jinrong Huang en Zhu Honggang – en ‘n Namibiese sakeman, Laurentius Julius, is sy medebeskuldigdes. - Nampa