Nóg goeie nuus van goudsektor verwag
Finansiële resultate wat na verwagting 'n aansienlike verbetering gaan toon, het die aandeelpryse van goudmyne op die JSE laat styg.
Elvira Wood - Die hoër goudprys laat baie plaaslike goudmynbase met 'n glimlag op die gesig as hulle na hul finansiële state kyk.
AngloGold Ashanti en Gold Fields is nog twee maatskappye wat sê hulle verwag sterk stygings in hul wins nadat Harmony Gold vandeesweek aangekondig het sy sake vorder so goed dat hy weer 'n tussentydse dividend gaan betaal.
Sibanye Gold sê ook sy bedrywighede loop klopdisselboom.
AngloGold sê in 'n handelsoorsig hy verwag dat sy wesensverdienste per aandeel vir die jaar tot einde Desember tot 256% hoër kan wees.
Hy maak sy jaarsyfers later in Februarie bekend.
Hy verwag sy wesensverdienste sal tussen US$104 miljoen en US$118 miljoen wees met 'n wesensverdienste per aandeel van tussen US$0,25 en US$0,28. Dit volg op 'n wesensverlies en wesensverlies per aandeel vir die ooreenstemmende tydperk van onderskeidelik US$73 miljoen en US$0,18.
Sy basiese verdienste per aandeel gaan na verwagting 185% hoër wees.
AngloGold verwag sy basiese verdienste sal tussen US$54 miljoen en US$71 miljoen wees met die verdienste per aandeel tussen US$0,13 en US$0,17.
Dit volg op 'n verlies en basiese verlies per aandeel vir die vorige ooreenstemmende tydperk van onderskeidelik US$85 miljoen en US$0,20. Die goudmynmaatskappy sê die hoër verdienste is hoofsaaklik toe te skryf aan onder meer die hoër goudprys en die voortdurende fokus op kostebeheer.
Gold Fields ook beter
Gold Fields sê in 'n handelsverslag Vrydag hy verwag sy wesensverdienste per aandeel vir die jaar tot einde Desember kan tot 780% hoër wees.
Hy maak sy jaarsyfers ook later in Februarie bekend.
Hy verwag sy wesensverdienste per aandeel sal tussen US$0,29 en US$0,31 wees wat hoër is as die wesensverlies per aandeel vir die vorige ooreenstemmende tydperk van US$0,04.
Sy basiese verdienste per aandeel gaan na verwagting 170% hoër wees.
Gold Fields verwag sy verdienste per aandeel sal tussen US$0,49 en US$0,52 wees.
Dit volg op 'n verlies per aandeel van US$0,31.
Gold Fields sê ook die hoër verdienste is hoofsaaklik toe te skryf aan die hoër goudprys en die fokus op kostebeheer.
Sibanye optimisties
Sibanye sê in 'n bedryfsoorsig sy verwagte goudproduksie vir die eerste helfte van 2017 is in verhouding met dié van die ooreenstemmende tydperk terwyl hy optimisties is dat sy platinummyne die verwagtinge kan oortref.
Sibanye sê ook hy vorder goed met die verkrygingsproses van die Stillwatermyn in die VSA.
Aandeelpryse sterker
Gold Fields se aandeelprys was Vrydagoggend op die JSE bykans 3% hoër op R47,61 per aandeel terwyl Sibanye bykans 4% hoër teen R31,15 per aandeel verhandel het.
AngloGold se aandeelprys was onveranderd op R176,00 per aandeel.
– Netwerk24
AngloGold Ashanti en Gold Fields is nog twee maatskappye wat sê hulle verwag sterk stygings in hul wins nadat Harmony Gold vandeesweek aangekondig het sy sake vorder so goed dat hy weer 'n tussentydse dividend gaan betaal.
Sibanye Gold sê ook sy bedrywighede loop klopdisselboom.
AngloGold sê in 'n handelsoorsig hy verwag dat sy wesensverdienste per aandeel vir die jaar tot einde Desember tot 256% hoër kan wees.
Hy maak sy jaarsyfers later in Februarie bekend.
Hy verwag sy wesensverdienste sal tussen US$104 miljoen en US$118 miljoen wees met 'n wesensverdienste per aandeel van tussen US$0,25 en US$0,28. Dit volg op 'n wesensverlies en wesensverlies per aandeel vir die ooreenstemmende tydperk van onderskeidelik US$73 miljoen en US$0,18.
Sy basiese verdienste per aandeel gaan na verwagting 185% hoër wees.
AngloGold verwag sy basiese verdienste sal tussen US$54 miljoen en US$71 miljoen wees met die verdienste per aandeel tussen US$0,13 en US$0,17.
Dit volg op 'n verlies en basiese verlies per aandeel vir die vorige ooreenstemmende tydperk van onderskeidelik US$85 miljoen en US$0,20. Die goudmynmaatskappy sê die hoër verdienste is hoofsaaklik toe te skryf aan onder meer die hoër goudprys en die voortdurende fokus op kostebeheer.
Gold Fields ook beter
Gold Fields sê in 'n handelsverslag Vrydag hy verwag sy wesensverdienste per aandeel vir die jaar tot einde Desember kan tot 780% hoër wees.
Hy maak sy jaarsyfers ook later in Februarie bekend.
Hy verwag sy wesensverdienste per aandeel sal tussen US$0,29 en US$0,31 wees wat hoër is as die wesensverlies per aandeel vir die vorige ooreenstemmende tydperk van US$0,04.
Sy basiese verdienste per aandeel gaan na verwagting 170% hoër wees.
Gold Fields verwag sy verdienste per aandeel sal tussen US$0,49 en US$0,52 wees.
Dit volg op 'n verlies per aandeel van US$0,31.
Gold Fields sê ook die hoër verdienste is hoofsaaklik toe te skryf aan die hoër goudprys en die fokus op kostebeheer.
Sibanye optimisties
Sibanye sê in 'n bedryfsoorsig sy verwagte goudproduksie vir die eerste helfte van 2017 is in verhouding met dié van die ooreenstemmende tydperk terwyl hy optimisties is dat sy platinummyne die verwagtinge kan oortref.
Sibanye sê ook hy vorder goed met die verkrygingsproses van die Stillwatermyn in die VSA.
Aandeelpryse sterker
Gold Fields se aandeelprys was Vrydagoggend op die JSE bykans 3% hoër op R47,61 per aandeel terwyl Sibanye bykans 4% hoër teen R31,15 per aandeel verhandel het.
AngloGold se aandeelprys was onveranderd op R176,00 per aandeel.
– Netwerk24
Kommentaar
Republikein
Geen kommentaar is op hierdie artikel gelaat nie