Nóg geld vir MIV/vigs
Deel van die ondersteuning vir die bekamping van die siekte sluit in toetsing en behandeling, voorkomingsmaatreëls, kapasiteitsbou en logistieke ondersteuning.
Henriette Lamprecht
'n Ekstra N$435 miljoen is bewillig om MIV/vigs in Namibië te bekamp. Dié finansiële inspuiting volg ná die ondertekening van 'n bilaterale ooreenkoms tussen die Nasionale Beplanningskommissie (NPC) en die ministerie van gesondheid en maatskaplike dienste (MoHSS) en die Amerikaanse Agentskap vir Internasionale Ontwikkeling (Usaid). Die finansiering is 'n wysiging op 'n bilaterale ooreenkoms in 2007 en val onder die Amerikaanse president se noodplan vir vigsverligting (Pepfar).
Aktiwiteite wat deel is van 2017 se Pepfar-bedryfsplan vir lande (COP17) sal hieruit gefinansier word. Amerika se bydrae tot die ooreenkoms sedert 2007 staan tans op N$4,1 miljard.
Deel van die ondersteuning vir die bekamping van MIV/vigs in Namibië sluit in toetsing en behandeling, voorkomingsmaatreëls, kapasiteitsbou en logistieke ondersteuning.
Bogenoemde is noodsaaklik vir Namibië om die Unaids 90-90-90 doelwitte te bereik. Dié doelwitte behels dat 90% van alle Namibiërs wat met MIV geïnfekteer is, bewus is van hul status, dat 90% van hierdie Namibiërs behandeling ontvang en dat 90% van diegene wat behandel word, die virus nie kan oordra nie.
Word dié doelwitte bereik, sal die MIV-epidemie in die land as onder beheer beskou word.
Pepfar fokus op die identifisering en behandeling van Namibiërs wat MIV het, maar nog nie hiervoor getoets is nie. Dit fokus veral op individue wat in gebiede met 'n hoë voorkoms van MIV woon. Die fokus sluit ook bevolkingsgroepe wat die grootste risiko loop om met die virus geïnfekteer te word in, asook jong vroue en ouer mans.
Pepfar is die grootste ondersteuning wat deur 'n enkele land gebied word aan 'n internasionale gesondheidsinisiatief en sluit 'n omvattende benadering tot die bekamping van MIV/vigs dwarsoor die wêreld in.
Die ondersteuning sluit die mees uiteenlopende voorkomings-, behandelings- en versorgingstrategie in die wêreld in, met groot klem wat op deursigtigheid en verantwoordbaarheid van resultate geplaas word.
In Namibië word Pepfar deur die Amerikaanse ambassadeur en 'n bestuurspan gelei.
Sedert Namibië se onafhanklikwording in 1990 het Usaid die land se ontwikkeling in verskeie sektore ondersteun.
Dit sluit in gesondheid en MIV/vigs, basiese onderrig, gemeenskapsgebaseerde hulpbronnebestuur, demokrasie en regering, asook omgewing en biodiversiteit.
Sedert 2010 fokus die Amerikaanse regering se hulp aan die land egter op Namibië se MIV-epidemie en verwante gesondheidsuitdagings, soos tuberkulose.
'n Ekstra N$435 miljoen is bewillig om MIV/vigs in Namibië te bekamp. Dié finansiële inspuiting volg ná die ondertekening van 'n bilaterale ooreenkoms tussen die Nasionale Beplanningskommissie (NPC) en die ministerie van gesondheid en maatskaplike dienste (MoHSS) en die Amerikaanse Agentskap vir Internasionale Ontwikkeling (Usaid). Die finansiering is 'n wysiging op 'n bilaterale ooreenkoms in 2007 en val onder die Amerikaanse president se noodplan vir vigsverligting (Pepfar).
Aktiwiteite wat deel is van 2017 se Pepfar-bedryfsplan vir lande (COP17) sal hieruit gefinansier word. Amerika se bydrae tot die ooreenkoms sedert 2007 staan tans op N$4,1 miljard.
Deel van die ondersteuning vir die bekamping van MIV/vigs in Namibië sluit in toetsing en behandeling, voorkomingsmaatreëls, kapasiteitsbou en logistieke ondersteuning.
Bogenoemde is noodsaaklik vir Namibië om die Unaids 90-90-90 doelwitte te bereik. Dié doelwitte behels dat 90% van alle Namibiërs wat met MIV geïnfekteer is, bewus is van hul status, dat 90% van hierdie Namibiërs behandeling ontvang en dat 90% van diegene wat behandel word, die virus nie kan oordra nie.
Word dié doelwitte bereik, sal die MIV-epidemie in die land as onder beheer beskou word.
Pepfar fokus op die identifisering en behandeling van Namibiërs wat MIV het, maar nog nie hiervoor getoets is nie. Dit fokus veral op individue wat in gebiede met 'n hoë voorkoms van MIV woon. Die fokus sluit ook bevolkingsgroepe wat die grootste risiko loop om met die virus geïnfekteer te word in, asook jong vroue en ouer mans.
Pepfar is die grootste ondersteuning wat deur 'n enkele land gebied word aan 'n internasionale gesondheidsinisiatief en sluit 'n omvattende benadering tot die bekamping van MIV/vigs dwarsoor die wêreld in.
Die ondersteuning sluit die mees uiteenlopende voorkomings-, behandelings- en versorgingstrategie in die wêreld in, met groot klem wat op deursigtigheid en verantwoordbaarheid van resultate geplaas word.
In Namibië word Pepfar deur die Amerikaanse ambassadeur en 'n bestuurspan gelei.
Sedert Namibië se onafhanklikwording in 1990 het Usaid die land se ontwikkeling in verskeie sektore ondersteun.
Dit sluit in gesondheid en MIV/vigs, basiese onderrig, gemeenskapsgebaseerde hulpbronnebestuur, demokrasie en regering, asook omgewing en biodiversiteit.
Sedert 2010 fokus die Amerikaanse regering se hulp aan die land egter op Namibië se MIV-epidemie en verwante gesondheidsuitdagings, soos tuberkulose.
Kommentaar
Republikein
Geen kommentaar is op hierdie artikel gelaat nie