Nóg 12 Covid-sterftes aangemeld
Die ministerie van gesondheid en maatskaplike dienste het bekend gemaak nog 12 sterftes weens Covid-19 is in die jongste verslagperiode geregistreer.
Met die uitsondering van ’n man wat in Windhoek aan dié virussiekte dood is, het die ander elf in die verre noordelike dele van die land gesterf.
Altesaam vyf mense is by Onanjokwe dood, drie op Opuwo en een elk op Okongo, Nkurenkuru en Rundu. Die oorledenes was almal ouer as 40 jaar. Drie was 90 jaar en ouer.
Die oorledenes is tussen 30 Desember en 5 Januarie dood.
In Woensdag se Covid-verslag is 18 sterftes gerapporteer.
Altesaam 94 mense is sedert 26 November in Namibië aan Covid-19 dood. Dit was die dag waarop die ministerie bekend gemaak het hy neem met kommer kennis van die identifisering van die nuwe Sars-Cov-2-variant deur Suid-Afrikaanse wetenskaplikes. Dit het kort daarna die naam Omicron gekry en word beskou as die heersende variant wat die vierde golf in Namibië aanvuur.
’n Verdere 20 mense is dood aan oorsake wat Covid-verwant was.
Met die uitsondering van ’n man wat in Windhoek aan dié virussiekte dood is, het die ander elf in die verre noordelike dele van die land gesterf.
Altesaam vyf mense is by Onanjokwe dood, drie op Opuwo en een elk op Okongo, Nkurenkuru en Rundu. Die oorledenes was almal ouer as 40 jaar. Drie was 90 jaar en ouer.
Die oorledenes is tussen 30 Desember en 5 Januarie dood.
In Woensdag se Covid-verslag is 18 sterftes gerapporteer.
Altesaam 94 mense is sedert 26 November in Namibië aan Covid-19 dood. Dit was die dag waarop die ministerie bekend gemaak het hy neem met kommer kennis van die identifisering van die nuwe Sars-Cov-2-variant deur Suid-Afrikaanse wetenskaplikes. Dit het kort daarna die naam Omicron gekry en word beskou as die heersende variant wat die vierde golf in Namibië aanvuur.
’n Verdere 20 mense is dood aan oorsake wat Covid-verwant was.
Kommentaar
Republikein
Geen kommentaar is op hierdie artikel gelaat nie