Neymar se vyf-aan-'n-kant aanloklik

Red Bull Namibië in vennootskap met Bank Windhoek as hoofborg, Snickers, NBC en Fresh FM is trots om die Neymar Junior vyf-aan-'n-kant sokkertoernooi bekend te stel.Die pad na die derde Neymar-vywe Wêreldfinaal het reeds begin. Meer as 60 lande van ses vastelande sal kwalifiserende kompetisies hou waar spelers met dieselfde droom deelneem om eerstens tot hul nasionale eindstryd te vorder. Spanne wat daar wen, sal na die Wêreldfinaal by die Instituto Projeto Neumar in Praisa Grande, Brasilië, deurdring.Dié kompetisie is die Brasiliaanse superster van Barcelona en Paris Saint Germain se breinkind om spelers tussen 16 en 25 jaar van dwarsoor die wêreld byeen te bring om sokker, hul gesamentlike passie, te vier. Die spel is vinnig, tegnies en pret vir die deelnemers.In 2017 het meer as 100 000 spelers van 53 lande deelgeneem en vanjaar is die mikpunt 62 nasies wat hul talent op 21 Julie 2018 in Brasilië kan vertoon. Die venue waar die finaal plaasvind, is private eiendom en is deur Neymar Junior en sy familie op die been gebring.Neymar verduidelik: “Ek is baie bly om die getal spelers en lande wat deelneem, te vergroot. Die getal is reeds enorm, maar ek hoop dit word nog groter. Dit is meer spanne as Fifa se Wêreldbeker waaraan 32 lande deelneem.“Dit is belangrik dat vroue en meisies ook speel, want ek dink dit maak die speelveld gelyk sodat meer mense deelneem. Wat my opgewonde maak, is die feit dat elke jaar meer spelers van meer lande kan kompeteer. Dit maak my gelukkig en opgewonde om deel hiervan te wees.”Daar is geen beperking op vroue of mans nie en gemengde spanne asook vrouespanne kan deelneem. Die aksie is intens vir tien minute en daar is nie 'n doelwagter nie. Elke keer wanneer 'n span 'n doel aanteken, verloor sy teenstander 'n speler.Kompetisies sal in die hoofstad, op Swakopmund en Oshakati aangebied word, waarna die voorste 16 spanne by die nasionale finaal by die UN Plaza in Katutura in aksie sal wees. Net een span sal die prys wen om na Brasilië te vlieg en alle koste word gedek.Me. Jacquiline Pack, uitvoerende beampte van Bank Windhoek vir bemarking en korporatiewe kommunikasie, sê die bank is opgewonde om deel van so 'n groot sportgeleentheid te wees.“Ons is trots om sport in die land te ontwikkel en sien uit daarna om met Red Bull saam te span om opnuut die land se sokkertalent te ontgin. Bank Windhoek streef daarna om atlete positief te beïnvloed wat verandering en groei bewerkstellig. “Die Neymar Junior Vywe sal ons jeug met nuwe vaardighede toerus wat vir hulle die deur na 'n nuwe lewe met opwindende geleenthede kan oopmaak,” het Pack gesê.Om meer van die kompetisie uit te vind en in te skryf, kan www.neymarjrsfive.com besoek word.

Neymar se vyf-aan-'n-kant aanloklik

Kommentaar

Republikein 2025-06-16

Meld asseblief aan om kommentaar te lewer

Neymar se vyf-aan-'n-kant aanloklik

Kommentaar

Republikein 2025-06-16

Meld asseblief aan om kommentaar te lewer

MELD AAN

Advertensie