Net Van Schalkwyk nog oor

Die tweede gekeurde Connor van Schalkwyk lei opnuut vandeesweek die Namibiese aanslag op die Internasionale Tennisfederasie (ITF) se junior toernooi vir onder 18’s wat jaarliks aan Windhoek toegeken word.By die Sentraal-tennisklub in Olympia speel Van Schalkwyk, tweede gekeur in die seunskompetisie, vanoggend sy tweederondtewedstryd teen Marshall Hulett van Suid-Afrika.Van Schalkwyk het gister ’n loslootjie in die enkelspel gehad, met sy enigste verpligting in die dubbelspel, waar hy saam met die Suid-Afrikaner Anro Nel speel en reeds tot die kwarteindstryd deurgedring het.Maandag het Van Schalkwyk weggespring deur die ongekeurde Suid-Afrikaner Willem Roosenschoon met 7-6, 6-3 uit te skakel.Van Schalkwyk is die enigste oorblywende Namibiese hoop, nadat beide Daniel Jauss (met 5-7, 2-6 teen Filippo Martini van Italië) en Dian Calitz (met 1-6, 3-6 teen Joseph Townes van RSA) nie die eerste dag se spel oorleef het nie.George Louw kon ook nie in die eerste ronde verby Zimbabwe se Shane Tapera kom nie (4-6, 2-6).• In die o.18 meisieskompetisie is Namibië se Raica Coelho met 6-0, 6-1 in die eerste rondte deur Tanyaradzwa Midzi van Zimbabwe uitgeskakel.Lisa Yssel, nog ’n ongekeurde Namibiër, sal Midzi se volgende opponent in die tweede rondte wees.Nicola Nitschke het haar in die eerste rondte teen Alexandra Gombitova (Rusland) met 6-1, 6-2 vasgeloop.• Die toernooi se twee topgekeurde spelers is beide Suid-Afrikaners: Mikaeel Woodman en Leigh van Zyl.

Net Van Schalkwyk nog oor

Kommentaar

Republikein 2026-05-15

Meld asseblief aan om kommentaar te lewer

Net Van Schalkwyk nog oor

Kommentaar

Republikein 2026-05-15

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.