Net ons kan die kompas draai

JURIE VILJOEN SKRYF:Ek lees elke dag die menings van mense in Suider-Afrika in die openbare media.Dit gaan oor die mense wat die lande regeer.Gelukkig gaan dit nie oor kleur nie, maar oor mense wie se oë oopgegaan het oor wat werklik aan die gang is.Dit is mense wat vir die regerings gestem het om ’n einde aan apartheid te bring. Gee krediet aan almal wie se doel dit was.Oor die RSA wil ek nie veel sê nie, maar die land was op ’n stadium die juweel van Afrika. Oordeel maar self.Namibië, land of the brave! Wat het oorgebly?Dit was my beskore om ’n dekade gelede deel van die parlement te wees. Ek het die indruk gekry dat ons op koers is met ons president en die ministers wat toe die kitaar geslaan het.En nou?Ek het ’n beeld van pragtige bome wat in blom was. Hierdie bome is nou kaal en dor. Nie net die “blomme en blare” van apartheid nie.Geagte president en ministers, u word uitgedaag om die teendeel te bewys. As bome “dood gevreet word en leeg gesteel” word, dan plant jy immers ander wat beter en mooier is.Niks is gedoen nie. Niks werk meer nie. Wat het oorgebly wat nog doeltreffend funksioneer? Waarop kan ons trots wees? Wat is na dertig jaar bereik?Is daar iemand in hierdie land wat kan verduidelik wat beter geword het na die onafhanklikheid van hierdie land? Ons verstaan nie. Wat is dan die sin? Ons land is in elk geval uitverkoop.Watter waarde uit tien sou u toeken aan die volgende strukture ten opsigte van funksionering en doeltreffendheid:Onderwys, ons lugdiens, munisipaliteite, spoorweë, finansies, gesondheid, landbou, bosbou, waterwese, visserye en alles wat ons kan opnoem.Ek vra maar vrae wat nooit beantwoord sal word nie, maar die regerende party sal voor die volgende verkiesing die “struggle” moet afstof en uit ’n nuwe hoek die kole aanblaas, want ek is seker almal is moeg vir hierdie stagnering.

Net ons kan die kompas draai

Kommentaar

Republikein 2025-12-16

Meld asseblief aan om kommentaar te lewer

Net ons kan die kompas draai

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.