Net 'n fiets om panga-mans se woede af te keer

15 October 2020 | Sport
Twee manlike fietsryers is die afgelope naweek agter Prosperita met pangas voorgekeer en van hul selfone beroof.
Die ryers, wat saam drie keer agtereenvolgens die Nedbank Desert Dash as ’n tweemanspan voltooi het, het Saterdagoggend omstreeks tienuur die oggend van ’n oefenrit op die B-pad suid van die hoofstad terug huiswaarts gekeer.
Een van die slagoffers, wat beide anoniem wil bly, se kakebeen is op twee plekke gebreek toe ’n rower hom met ’n baksteen in die gesig gegooi het. Sy kakebeen moes Saterdagnamiddag laat tydens ’n operasie by die Lady Pohamba-hospitaal geheg word. Van sy tande is ook gebreek.
Die twee vriende se voorneme was om die Oemf-bergfietstoer van ongeveer 160 kilometer vanaf Windhoek na Namibgrens op 24 Oktober te ry, maar die tekort aan genoegsame hersteltyd sal dit vir die beseerde ryer onmoontlik maak.
Een van die rowers, wie se ouderdomme tussen 30 en veertig geskat word, was gemasker, terwyl nog ’n booswig “met wilde oë” nie omgegee het wie sy gesig sien nie.
“Ons was Saterdag ná ’n oefenrit op pad terug vanaf die Prentjiebrug toe die mans skielik uit die bosse gehardloop kom en ons voorkeer. My maat het geval en ek het die fiets tussen my en die een aanvaller probeer hou.
“Hy het die panga wild rondgeswaai en ek het my bes probeer om die vent se pogings te ontwyk. Ek het hom gevra om te kalmeer, maar hy het steeds met die kapmes teen die fiets geslaan.
“Ek het hom weer gevra om te kalmeer en gesê hulle moet vat wat hulle wil hê. Hy het toe vir my gesê hy stel nie in die fiets belang nie en soek net geld. Nadat ek my fiets neergesit het, is ek met ’n baksteen in die ribbes gegooi.
“Die volgende oomblik het nog ’n baksteen my in die gesig getref. Die bloed het gespat en hoewel ek duiselig van die hou was, het ek besef hier is nou groot probleme.
“Met die e-wallet wat hulle op ons fone wou gebruik, kon ons hulle ook nie help nie. Nadat hulle ons in die rivier laat sit het, is die twee daar weg met ons selfone,” het die beseerde ryer aan Republikein vertel.
Die onbeseerde ryer sê: “Ek het ander ryers en vriende op my Facebook-profiel gewaarsku om versigtig te wees as hulle gaan ry. Mense moet kennis neem van hierdie geval wat opnuut ryers se lewens in gevaar gestel het. Fietsryers word as ’n maklike teiken gesien en hierdie is geensins ’n geïsoleerde geval nie. Mense moet asseblief voorsorg tref.
“Ons albei het ’n saak van gewapende roof by Nampol ingedien, maar ons het tot nou toe geen terugvoering van hulle gekry nie.”
[email protected]

Soortgelyk

 

Woede kook oor by Ngoma

16 ure gelede | Misdaad

Augetto Graig – Regeringsafgevaardigdes het laat Saterdagmiddag hul hande vol gehad om gemoedere by die Ngoma-grenspos te kalmeer toe ’n skare woedende inwoners uit die...

Totsiens, Shannon

16 ure gelede | Mense

Leandrea Louw op Walvisbaai – Roubeklaers het Saterdag in groot getalle opgedaag om finaal van me. Shannon Wasserfall (21) op Walvisbaai afskeid te neem.Sy is...

Nuwe ruimte vir naslaan, leer en lees

16 ure gelede | Geskiedenis

'n Splinternuwe mediategnologie-biblioteek is nou oop vir die publiek by die hoofkantoor van Namibia Media Holdings in Windhoek.Die herontwerpte argief is Vrydag amptelik in gebruik...

Vermoedelike reeksverkragter slaan weer toe

16 ure gelede | Misdaad

Kuskantoor – Die polisie in die Erongostreek ondersoek 'n voorval waar ’n aanvaller by ’n vrou (28) se huis in Walvisbaai ingebreek het, haar met...

Namibië se eerste Supra-vrou gekroon

16 ure gelede | Mense

Ná maande van intense mededinging is die 23-jarige Chanique Rabe Saterdagaand as die eerste Mej. Supranational Namibië bekroon. Saam met dié gesogte titel stap sy...

Antigeen-toetse vir reisigers na SA beskikbaar

16 ure gelede | Gesondheid

Antigeen-toetse om die coronavirus op te spoor, is volgens die Suid-Afrikaanse regering se inligtingsdiens (GCIS) by alle grensposte na die land beskikbaar.Dié toetse, wat van...

Regeringsbestuur: 'Prentjie lyk stroef'

16 ure gelede | Regering

Denver Kisting 'n Herhaling van die Fishrot-skandaal, die beweerde grootskaalse kaping van Namibiese viskwotas wat die afgelope jaar opspraak wek en twee oudministers agter tralies...

Seun (5) met kanker se gesin vra hulp

16 ure gelede | Mense

Ester KamatiDie Labuschagne-gesin op Otjiwarongo het onlangs die ontstellende nuus ontvang dat die vyfjarige Zu-Andre kanker het. Die diagnose het gevolg nadat bloed vroeg...

Sprinkaanplaag: SADC vra steun

16 ure gelede | Landbou

Elvira Hattingh - Die Suider-Afrikaanse Ontwikkelingsgemeenskap (SADC) het gister ’n beroep gedoen op steun in die stryd teen Afrika treksprinkane. Dit volg nadat altesaam tien...