Net een persoon moet sterfte aanmeld
Henriette Lamprecht – Alle sterftes word elektronies deur hospitale (privaat en staat) sowel as polisielykshuise by die ministerie van binnelandse sake, immigrasie, veiligheid en sekuriteit deur middel van 'n elektroniese stelsel vir sterftekennisgewings aangemeld.
Die oomblik wanneer dit aangemeld is, ontvang die familie 'n kennisgewingsnommer en ander relevante besonderhede. Dit verbind reeds die sterfte van 'n persoon tot die relevante profiel in die bevolkingsregister wat die registrasietyd aansienlik verkort.
Die ministerie het gereageer op lang rye by sy kantore vir die registrasie van sterftes weens Covid-19 wat aansienlik toegeneem het, met meer as een persoon, soms tot sewe, wat 'n enkele sterfte wil registreer.
Hoewel die ministerie erkenning gee aan die feit dat morele ondersteuning in die proses vir dié tipe registrasie 'n rol speel, het dit 'n negatiewe uitwerking op maatreëls om die getalle mense by sy kantore tydens die pandemie soveel as moontlik te beperk.
Die ministerie se uitvoerende direkteur, mnr. Etienne Maritz, sê 'n persoon wat 'n sterfte registreer, moet die hospitaal of lykshuis se elektroniese kennisgewing van die sterfte indien.
Die registrasie moet ook vergesel wees van die oorspronklike identiteitsdokument van die oorledene, sowel as 'n ongesertifiseerde afskrif. As die oorspronklike identiteitsdokument nie beskikbaar is nie, moet 'n oorspronklike, beëdigde verklaring ingedien word wat die rede verskaf waarom dit nie beskikbaar is nie. Volgens Maritz moet die persoon wat die sterfte registreer, ook inligting oor die begrafnis van die oorledene kan verskaf.
Vir navrae in die verband kan 'n e-pos aan [email protected] of [email protected] gerig word.
– [email protected]
Die oomblik wanneer dit aangemeld is, ontvang die familie 'n kennisgewingsnommer en ander relevante besonderhede. Dit verbind reeds die sterfte van 'n persoon tot die relevante profiel in die bevolkingsregister wat die registrasietyd aansienlik verkort.
Die ministerie het gereageer op lang rye by sy kantore vir die registrasie van sterftes weens Covid-19 wat aansienlik toegeneem het, met meer as een persoon, soms tot sewe, wat 'n enkele sterfte wil registreer.
Hoewel die ministerie erkenning gee aan die feit dat morele ondersteuning in die proses vir dié tipe registrasie 'n rol speel, het dit 'n negatiewe uitwerking op maatreëls om die getalle mense by sy kantore tydens die pandemie soveel as moontlik te beperk.
Die ministerie se uitvoerende direkteur, mnr. Etienne Maritz, sê 'n persoon wat 'n sterfte registreer, moet die hospitaal of lykshuis se elektroniese kennisgewing van die sterfte indien.
Die registrasie moet ook vergesel wees van die oorspronklike identiteitsdokument van die oorledene, sowel as 'n ongesertifiseerde afskrif. As die oorspronklike identiteitsdokument nie beskikbaar is nie, moet 'n oorspronklike, beëdigde verklaring ingedien word wat die rede verskaf waarom dit nie beskikbaar is nie. Volgens Maritz moet die persoon wat die sterfte registreer, ook inligting oor die begrafnis van die oorledene kan verskaf.
Vir navrae in die verband kan 'n e-pos aan [email protected] of [email protected] gerig word.
– [email protected]
Kommentaar
Republikein
Geen kommentaar is op hierdie artikel gelaat nie