Net 5%-verhoging vir onderwysers, sê Tweya
Die regering staan by sy standpunt dat dit niks meer as die voorgestelde 5%-salarisverhoging vir onderwysers kan toestaan nie.
Dit ten spyte van 'n dreigende staking deur lede van die Namibië Nasionale Onderwysersunie (Nantu).
Die unie dring egter steeds op 'n verhoging van 8% aan.
Die minister van inligting en kommunikasietegnologie, mnr. Tjekero Tweya, het Vrydag 'n beroep op onderwysers gedoen om die regering se standpunt in ag te neem, omdat 'n staking 'n " verwoestende uitwerking" op die ekonomiese status van die land en sy onderwysstelsel sal hê.
" Ons doen 'n beroep op die onderwysgemeenskap en die Namibiese nasie om die uitdagings te erken wat die eis vir 'n hoër salarisverhoging aan die ekonomie van die land sal stel," het Tweya tydens 'n mediakonferensie gesê.
Nantu en die regering stamp die afgelope paar maande koppe oor salarisverhogings vir onderwysers in die kategorieë graad vyf tot 12. Verlede jaar het die regering meer as N$900 miljoen bestee aan die vergoeding van alle onderwysers wat tot N$1,7 miljard vir die huidige boekjaar gestyg het. Die bedrag sal na verwagting tot N$2 miljard vir die 2017-’18-boekjaar styg, het Tweya gesê.
Volgens die minister is dit 'n duidelike weerspieëling van die regering se toewyding tot die verbetering van die lewenstandaard van sy onderwysers.
" Dit moet beklemtoon word dat die regering se aanbod redelik en ook die een is wat die beste bekostig kan word," het Tweya gesê.
Onderhandeling oor die salarisaanpassings het die afgelope maande ten spyte van 'n ingryping deur visepresident Nickey Iyambo op 'n dooie punt uitgeloop.
Albei partye wou nie bes gee nie, met Nantu wat met 'n landwye staking dreig.
Intussen het die Namibiese Openbare Werkersunie (Napwu), wat sommige van die onderwysers verteenwoordig, tot die regering se voorstel ingestem. Nantu, wat beweer dit het 'n lidmaatskap van meer as 27 000, het die regering daarvan beskuldig dat dit onderwysers as 'n gegewe aanvaar. Die unie sê voorts die regering stuur beamptes sonder enige instruksie of mandaat na onderhandelinge. Nantu se sekretaris-generaal, mnr. Basilius Haingura, het by navraag gesê die unie is bekommerd oor die inflasiekoers wat nie net 'n spesifieke deel van die samelewing nie, maar alle Namibiërs en insluitend onderwysers, raak.
" Ons eis staan steeds en ons sal sien wat gebeur vandag. Hulle probeer net om Napwu te beskerm, maar hulle moet ons nie dwing om iets te doen wat ons nie wil nie," het Haingura gesê. - Nampa
Dit ten spyte van 'n dreigende staking deur lede van die Namibië Nasionale Onderwysersunie (Nantu).
Die unie dring egter steeds op 'n verhoging van 8% aan.
Die minister van inligting en kommunikasietegnologie, mnr. Tjekero Tweya, het Vrydag 'n beroep op onderwysers gedoen om die regering se standpunt in ag te neem, omdat 'n staking 'n " verwoestende uitwerking" op die ekonomiese status van die land en sy onderwysstelsel sal hê.
" Ons doen 'n beroep op die onderwysgemeenskap en die Namibiese nasie om die uitdagings te erken wat die eis vir 'n hoër salarisverhoging aan die ekonomie van die land sal stel," het Tweya tydens 'n mediakonferensie gesê.
Nantu en die regering stamp die afgelope paar maande koppe oor salarisverhogings vir onderwysers in die kategorieë graad vyf tot 12. Verlede jaar het die regering meer as N$900 miljoen bestee aan die vergoeding van alle onderwysers wat tot N$1,7 miljard vir die huidige boekjaar gestyg het. Die bedrag sal na verwagting tot N$2 miljard vir die 2017-’18-boekjaar styg, het Tweya gesê.
Volgens die minister is dit 'n duidelike weerspieëling van die regering se toewyding tot die verbetering van die lewenstandaard van sy onderwysers.
" Dit moet beklemtoon word dat die regering se aanbod redelik en ook die een is wat die beste bekostig kan word," het Tweya gesê.
Onderhandeling oor die salarisaanpassings het die afgelope maande ten spyte van 'n ingryping deur visepresident Nickey Iyambo op 'n dooie punt uitgeloop.
Albei partye wou nie bes gee nie, met Nantu wat met 'n landwye staking dreig.
Intussen het die Namibiese Openbare Werkersunie (Napwu), wat sommige van die onderwysers verteenwoordig, tot die regering se voorstel ingestem. Nantu, wat beweer dit het 'n lidmaatskap van meer as 27 000, het die regering daarvan beskuldig dat dit onderwysers as 'n gegewe aanvaar. Die unie sê voorts die regering stuur beamptes sonder enige instruksie of mandaat na onderhandelinge. Nantu se sekretaris-generaal, mnr. Basilius Haingura, het by navraag gesê die unie is bekommerd oor die inflasiekoers wat nie net 'n spesifieke deel van die samelewing nie, maar alle Namibiërs en insluitend onderwysers, raak.
" Ons eis staan steeds en ons sal sien wat gebeur vandag. Hulle probeer net om Napwu te beskerm, maar hulle moet ons nie dwing om iets te doen wat ons nie wil nie," het Haingura gesê. - Nampa
Kommentaar
Republikein
Geen kommentaar is op hierdie artikel gelaat nie