Net 25,2% water in damme oor
Volgens ’n verslag kom die oorlewingsplan om die droogte hok te slaan op die onvolhoubare verbruik van ondergrondse waterbronne neer.
Elvira Hattingh - Damme in Namibië het in totaal net 25,2% of 176,107 Mm³ (miljoen kubieke meter) water oor vergeleke met dieselfde tyd verlede jaar toe dit op 39,4% gestaan het.
Dít volgens die jongste damverslag wat Dinsdag deur NamWater uitgereik is.
Gobabisdamme is steeds die streek met die leegste damme. Tans is dié damme gemiddeld 1,4% vol, met die Otjiverodam wat net sowat 2,4% water oorhet. Die Tilda Viljoendam hou tans 2,0% water en die Daan Viljoendam 0,6%.
Gesamentlik is net sowat 0,265 Mm³ water in Gobabis se drie damme oor in vergelyking met dieselfde tyd verlede jaar toe 1,088 Mm³ oor was.
Damme in die sentrale dele van die land het gesamentlik 16,1% water oor, met die Von Bachdam wat tans 41,0% vol is. Die Swakoppoortdam is slegs 8,6% vol en die Omatakodam is leeg.
Dié drie damme wat onder meer Windhoek van water voorsien, het gesamentlik net sowat 24,949 Mm³ water oor, terwyl dit verlede jaar dieselfde tyd nog 44,323 Mm³ water oorgehad het.
Die Friedenau- en Goreangabdam is onderskeidelik 24,5% en 100% vol.
In die Suide staan die gemiddeld tans op 31,2% en hou die Nautedam tans die meeste water – dit is 83,5% vol en hou 69,755 Mm³ water.
Die Hardapdam, Namibië se grootste naas die bykans voltooide Neckartaldam, is tans 16,4% vol en bevat nog 48,337 Mm³ water.
NamWater het vroeër aan Republikein gesê dat hy watertoevoer vir besproeiing rondom die Hardapdam sal staak wanneer 'n vlak van 4,5% bereik word.
Toe is gesê dié vlak kan reeds teen Desember vanjaar bereik word.
Rehoboth se Oanobdam is 46,1% vol, met die Dreihukdam wat sowat 0,2% water hou. Die Bondelsdam is heeltemal leeg.
OORLEWINGSPLAN
Selfs mét waterbesparings van 15% en die onvolhoubare “myn” van ondergrondse waterbronne het Windhoek slegs genoeg water om twee reënseisoene te oorbrug.
Dit beteken die Von Bachdam kan teen Mei 2021 droogloop, oftewel dooieberging bereik, terwyl die Swakoppoortdam, wat Windhoek ook van water voorsien, dié punt 'n maand later kan bereik.
Dit is indien damme in Sentraal-Namibië geen invloei van water tydens die komende reënseisoene het nie.
NamWater se bestuurder van hidrologie, mnr. André Mostert, het dié inligting in Mei vanjaar bekend gemaak tydens 'n openbare forum vir rolspelers uit die watersektor wat deur die Namibië Wetenskaplike Vereniging aangebied is.
Windhoek se munisipaliteit (CoW) het op 1 Mei sy waterbestuurplan amptelik van kategorie C ('n waterskaarste) na kategorie D verander, wat 'n ernstige watertekort behels. Dit beteken inwoners is verplig om minstens 15% water te spaar.
Terselfdertyd verskaf NamWater tans net 35% van Windhoek se water, terwyl die Windhoek-akwifer ingespan moet word om in sowat 39% van die stad se watervraag te voorsien, en 26% water word uit die suiwering van rioolwater herwin.
Mostert het in Mei gesê die stad sal drie reënseisoene kan oorbrug indien Windhoekers 30% water bespaar – weer eens saam met die gebruik van ondergrondse water uit die Windhoek-akwifer, wat nie volhoubaar is nie, en ondergrondse bronne in die Grootfontein-omgewing.
- [email protected]
Dít volgens die jongste damverslag wat Dinsdag deur NamWater uitgereik is.
Gobabisdamme is steeds die streek met die leegste damme. Tans is dié damme gemiddeld 1,4% vol, met die Otjiverodam wat net sowat 2,4% water oorhet. Die Tilda Viljoendam hou tans 2,0% water en die Daan Viljoendam 0,6%.
Gesamentlik is net sowat 0,265 Mm³ water in Gobabis se drie damme oor in vergelyking met dieselfde tyd verlede jaar toe 1,088 Mm³ oor was.
Damme in die sentrale dele van die land het gesamentlik 16,1% water oor, met die Von Bachdam wat tans 41,0% vol is. Die Swakoppoortdam is slegs 8,6% vol en die Omatakodam is leeg.
Dié drie damme wat onder meer Windhoek van water voorsien, het gesamentlik net sowat 24,949 Mm³ water oor, terwyl dit verlede jaar dieselfde tyd nog 44,323 Mm³ water oorgehad het.
Die Friedenau- en Goreangabdam is onderskeidelik 24,5% en 100% vol.
In die Suide staan die gemiddeld tans op 31,2% en hou die Nautedam tans die meeste water – dit is 83,5% vol en hou 69,755 Mm³ water.
Die Hardapdam, Namibië se grootste naas die bykans voltooide Neckartaldam, is tans 16,4% vol en bevat nog 48,337 Mm³ water.
NamWater het vroeër aan Republikein gesê dat hy watertoevoer vir besproeiing rondom die Hardapdam sal staak wanneer 'n vlak van 4,5% bereik word.
Toe is gesê dié vlak kan reeds teen Desember vanjaar bereik word.
Rehoboth se Oanobdam is 46,1% vol, met die Dreihukdam wat sowat 0,2% water hou. Die Bondelsdam is heeltemal leeg.
OORLEWINGSPLAN
Selfs mét waterbesparings van 15% en die onvolhoubare “myn” van ondergrondse waterbronne het Windhoek slegs genoeg water om twee reënseisoene te oorbrug.
Dit beteken die Von Bachdam kan teen Mei 2021 droogloop, oftewel dooieberging bereik, terwyl die Swakoppoortdam, wat Windhoek ook van water voorsien, dié punt 'n maand later kan bereik.
Dit is indien damme in Sentraal-Namibië geen invloei van water tydens die komende reënseisoene het nie.
NamWater se bestuurder van hidrologie, mnr. André Mostert, het dié inligting in Mei vanjaar bekend gemaak tydens 'n openbare forum vir rolspelers uit die watersektor wat deur die Namibië Wetenskaplike Vereniging aangebied is.
Windhoek se munisipaliteit (CoW) het op 1 Mei sy waterbestuurplan amptelik van kategorie C ('n waterskaarste) na kategorie D verander, wat 'n ernstige watertekort behels. Dit beteken inwoners is verplig om minstens 15% water te spaar.
Terselfdertyd verskaf NamWater tans net 35% van Windhoek se water, terwyl die Windhoek-akwifer ingespan moet word om in sowat 39% van die stad se watervraag te voorsien, en 26% water word uit die suiwering van rioolwater herwin.
Mostert het in Mei gesê die stad sal drie reënseisoene kan oorbrug indien Windhoekers 30% water bespaar – weer eens saam met die gebruik van ondergrondse water uit die Windhoek-akwifer, wat nie volhoubaar is nie, en ondergrondse bronne in die Grootfontein-omgewing.
- [email protected]
Kommentaar
Republikein
Geen kommentaar is op hierdie artikel gelaat nie