Nenegate het vertroue ondermyn

Elvira WoodDie aanstelling van twee ministers van finansies deur pres. Jacob Zuma binne ’n week in Desember 2015 plaas ’n vraagteken oor die regering se toewyding tot fiskale konsolidasie.Só het Fitch Ratings gister gesê in sy uiteensetting vir die redes vir sy graderingsbesluit.Fitch sê in ’n verklaring dat die BBB- gradering Suid-Afrika se lae ekonomiese groei, beduidende fiskale en eksterne tekorte en hoë skuldvlakke weerspieël.Daarteenoor tel Suid-Afrika se sterk beleide, goed ontwikkelde kapitaalmarkte en gunstige staatskuldstruktuur in sy guns.Die agentskap dink wel dat die land se politieke risiko sedert die vorige graderingsoorsig verswak het, maar dat dit steeds goed vergelyk teenoor die van ander lande wat ook as BBB gegradeer is.Fitch verwys na die hooggeregshof se uitspraak dat Zuma van die staatsgeld wat vir Nkandla gebruik is, moet terugbetaal en na nog ’n hof se uitspraak dat die besluit om hom nie weens korrupsie te vervolg nie, irrasioneel was. Fitch beskryf staatsinstellings steeds as “gesond”.Hy meen dat die ANC na verwagting steun in die plaaslike verkiesing wat op 3 Augustus gehou word, gaan verloor.Die gemiddelde bruto binnelandse produk groei van ander lande wat ook as BBB gegradeer is, is tans 3,3% berig Fitch. Dit is hoër as die 1,2% vir Suid-Afrika in 2015 en die voorspelling van 0,7% in 2016.Pravin Gordhan, minister van finansies, het gisteroggend by die Gautengse regering se Ekonomiese Indaba in Johannesburg, kort voor die Fitch-aankondiging, gesê hy reken die regering en die arbeids- en sakesektor het genoeg bereik om “namens julle ’n verenigde front voor te hou”.Hy het ’n pleidooi gerig vir konstruktiewe leierskap uit alle sektore van die samelewing: “Sodat ons (kan sê) ons is gewillig om saam te werk, klein verskille te vergeet en te fokus op ekonomiese groei en werkskepping”.Die betrekkinge tussen veral die tesourie en die presidensie was die afgelope paar maande baie stram. “Ons gaan ’n nuwe gees van samewerking moet vind,” het Gordhan gesê.Hy het beklemtoon dat Suid-Afrika die volgende 18 maande oor ’n magdom hekkies gaan moet spring. Die volgende jaar gaan baie belangrik wees omdat Suid-Afrikaners gaan moet wys dat daar in ’n ander rigting gegroei kan word.Gordhan het aan die einde van sy toespraak vir die gehoor gesê hulle moet besef dat mens nie afhanklik moet wees van individue in instellings nie.“Aan die einde van die dag wil jy sterk, veerkragtige, beginselvaste instellings hê wat ons almal oorleef en die regte kultuur het,” het Gordhan gesê. - Netwerk24

Nenegate het vertroue ondermyn

Kommentaar

Republikein 2025-05-14

Meld asseblief aan om kommentaar te lewer

Nenegate het vertroue ondermyn

Kommentaar

Republikein 2025-05-14

Meld asseblief aan om kommentaar te lewer

MELD AAN

Advertensie