Neil nou dankbaar hy’t nee gesê vir aanbod van Kanada

Leighton Koopman – Dis ’n bedekte seën vir die Blitsbok-afrigter, Neil Powell, dat hy in Suid-Afrika aangebly het ná 2016 se Olimpiese Spele eerder as om verlei te word om Kanada se sewesspan af te rig.Dié land se blitse is een van ’n handvol sewesspanne, onder wie ook Engeland, wat nou weens die Covid-19-pandemie in die knyp is.Powell is in 2016 deur die Kanadese genader om hul sewesprogram oor te neem, maar hy het besluit om eerder by die Blitsbokke aan te bly.“Nou dink ’n mens terug en besef dat dit ’n bedekte seën is.“Dinge werk uiteindelik maar uit soos dit moet. Ek is baie dankbaar daarvoor.”Wêreldrugby het onlangs die laaste vier toernooie van die 2019/20-reeks geskrap weens Covid-19, terwyl die eerste vier toernooie van die 2020/21-seisoen, in Dubai, Kaapstad, Hamilton en Sydney, ook afgelas is.Hy sê dit is jammer om te sien dat dinge so gaan by die seweslande wie se programme so sukkel.“Ek het onlangs met Phil Burgess (van Engeland) gepraat nadat die nuus oor hul probleme gebreek het. Dis moeilik, veral vir die senior spelers wat gehoop het om in die Olimpiese Spele te speel en so hul sewesloopbaan af te sluit. Dit het hul drome en planne ’n knou gegee.”Powell sê ook baie sewesprogramme wêreldwyd sal nou weer op amateurvlak gespeel word. Kanada is een van hulle.“Van die ouens het weer gaan werk en hulle oefen twee maal ’n week as ’n span. Maar dit is heeltemal vrywillig en hulle word nie betaal daarvoor nie.“Die enigste ding wat dit aan die gang hou, is hul hoop om aan die Olimpiese Spele deel te neem.”Die Blitsbok-bestuur praat tans met Rassie Erasmus, SA Rugby se direkteur van rugby, om plaaslike sewestoernooie aan die gang te kry om die spelers wedstrydskerp te hou.Die fokus bly vir nou om die Blitsbokke wedstrydfiks te kry, maar Powell gee toe dat hulle nie tot volgende jaar net kan bly oefen en oefen nie.“Ons kyk daarna om ons eie plaaslike sewestoernooie te organiseer waar ons provinsies, klubs en universiteite betrokke sal kry. Dit word as ’n goeie idee beskou, maar die fynere besonderhede, soos finansies en logistiek, moet nog in plek kom.” – Netwerk24, RapportFOTONeil Powell in sy speeldae in aksie teen Kanada.

Neil nou dankbaar hy’t nee gesê vir aanbod van Kanada

Kommentaar

Republikein 2025-12-17

Meld asseblief aan om kommentaar te lewer

Neil nou dankbaar hy’t nee gesê vir aanbod van Kanada

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.