Negentien sterftes, 449 nuwe Covid-gevalle aangemeld

Dr. Kalumbi Shangula, minister van gesondheid en maatskaplike dienste, het aangekondig Namibië het in die jongste verslagperiode 449 nuwe Covid-19-gevalle en 19 sterftes opgeteken, wat die totale getal sterftes in die land sedert die begin van die pandemie op 3 724 te staan bring.In die daaglikse Covid-verslag Sondag sê Shangula gesê die nuwe gevalle nadat 2 702 mense vir die virussiekte getoets is. Dit verteenwoordig 'n positiwiteitskoers van 16,6%.Die Omusatistreek het met 130 die meeste gevalle, gevolg deur die Khomas met 66, Oshana 41, Oshikoto 31, Ohangwena 31, Erongo 25, Otjozondjupa 25, Kavango-Oos 24 en Zambezi 22. Uit die ander streke is nege en minder gevalle elk gerapporteer.Onder die bevestigde gevalle tel 30 leerlinge, nege onderwysers, nege studente en 15 mense wat gesondheidsorg lewer.Altesaam 386, of 86% van die nuwe gevalle, is nie ingeënt nie.Daar is tans 394 Covid-pasiënte in hospitale, waarvan 35 in intensiewesorgeenhede (ICU) behandel word.In Saterdag se verslag is 462 nuwe gevalle aangemeld (1 998 mense is getoets en die positiwiteitskoers was 23,1%). Geen sterftes is gerapporteer nie.In Vrydag se verslag het die ministerie 12 nuwe sterftes onder mense met Covid-19 aangekondig, terwyl 547 nuwe gevalle aangemeld is nadat 2 845 mense hulle laat toets het, wat beteken die positiwiteitskoers was 19,2.

Negentien sterftes, 449 nuwe Covid-gevalle aangemeld

Kommentaar

Republikein 2025-12-15

Meld asseblief aan om kommentaar te lewer

Negentien sterftes, 449 nuwe Covid-gevalle aangemeld

Kommentaar

Republikein 2025-12-15

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.