Nege sterftes, 160 nuwe gevalle

Die Covid-19-sterftes styg met nege tot 3 325. Een was 'n tuissterfte en niemand is ingeënt nie. Gister is 160 nuwe gevalle aangemeld, 'n positiewe koers van 8,5%. Die meeste is in //Kharas (21,4%) gevolg deur Omusati met 17,5%. Onder die nuwe gevalle is 38 leerlinge, vier onderwysers, twee studente en vier gesondheidswerkers. Tien (6,5%) het een dosis entstof ontvang, terwyl vyf (3,3%) volledig ingeënt is.
Tans is daar 2 707 aktiewe gevalle waarvan 225 in die hospitaal en 45 in die ICU is. Tot op hede het 196 038 mense een dosis entstof ontvang, terwyl 90 526 volledig ingeënt is. Die herstelkoers staan op 95%.