Nege jonges vir Bahamas-toer gekies

Andrew Poolman - Namibië se spannetjie van sewe seuns en twee meisies is bekend wat van 19 tot 23 Julie in die Bahamas se hoofstad Nassau aan die Statebond Jeugspele sal deelneem.Die vierjaarlikse skouspel word sedert 2000 aangebied met 14 tot 18 jaar as die ouderdomsperk.Atletiek is een van die sportkodes waarin meer jong Namibiërs waarskynlik die span sou kon haal. ’n Jong ster soos die o.17-naelloper Sadé de Sousa (200 meter) het egter ook vir die IAAF jeug wêreldkampioenskap gekwalifiseer wat van 12 tot 16 Julie in Nairobi, Kenia gehou word. Vanweë die lang vlugte en die tydverskil tussen Nairobi en die Bahamas wat op ’n baie kort hersteltyd sal neerkom, moes Namibië in sommige gevalle strategiese besluite neem.Die twee telefoonoproepe van Republikein aan die Namibiese Nasionale Olimpiese Komitee (NNOK) se sekretaris-generaal, me. Joan Smit, en Atletiek Namibië se president mnr. Erwin Naimhwaka het gister botsende weergawes opgelewer toe ’n verklaring vir De Sousa se afwesigheid versoek is.Smit het geantwoord dat die drietal baan- en veldatlete die enigstes was wat van Atletiek Namibië ontvang is en dat navrae dus aan dié beheerliggaam gerig moet word.Hierteenoor het Naimhwaka gesê dat De Sousa wel deur AN benoem was omdat gereken is dat sy in staat sal wees om by beide byeenkomste ’n goeie vertoning te lewer. Volgens hom het die NNOK besluit om De Sousa nie na die Statebond Jeugspele te stuur nie. Die atletiekspan na Nairobi is nog nie aangekondig nie omdat die tydperk vir moontlike kwalifikasie nog nie verstryk het nie.Me. Joan Smit sal as die missiehoof van die toergroep na die Bahamas optree. Die verkose seuns, meisies en bestuurslede is soos volg:ATLETIEKIvan Danny Geldenhuys (400 m naelloop)Natalie Louw (hoogspring, verspring)Johannes Smith (spiesgooi)Gerson (Lucky) Gawanab (afrigter en bestuurder)BOKSSylvinos Tangeni Nampadhi (kapokgewig, 56 kg)Tryagain Morning Ndevelo (liggewig, 60 kg)Gerson Petrus (afrigter en spanbestuurder)FIETSRYCharl du Plooy (padfietsry)Alex Miller (padfietsry)Hans du Toit (afrigter en bestuurder)Pierre du Plooy (tegnikus)TENNISGeorgina Moolman (meisies)Codie van Schalkwyk (seuns)Clive Gawanab (afrigter en bestuurder)

Nege jonges vir Bahamas-toer gekies

Kommentaar

Republikein 2025-11-04

Meld asseblief aan om kommentaar te lewer

Nege jonges vir Bahamas-toer gekies

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.