NEEEF skep gevare vir misbruik
Te veel mag word aan kommissarisse gegee en daar word aanbeveel dat hulle deur 'n oop aansoekproses aangestel word.
Phillepus Uusiku
Om beleggers te lok wat Namibië dringend nodig het, veral noudat ander drywers vir ekonomiese groei uitgeput is, is dit van uiterste belang om ’n ondersteunende en vriendelike sakeomgewing te skep.
Die privaat sektor speel ’n belangrike rol in die bevordering van ekonomiese groei, dus sal ’n meer toeganklike manier om sake in Namibië te doen, sekerheid en vertroue in dié sektor skep en uiteindelik beleggings ’n hupstoot gee.
Die privaat sektor is van mening die Nuwe Raamwerk vir Gelyke Ekonomiese Bemagtiging (NEEEF) in sy huidige formaat sal substantiewe magsmisbruik bevorder, beleggings kortwiek, ekonomiese groei laat afneem en ongelykheid en armoede bevorder.
Die Namibiese raad vir die bevordering van beleggings en ontwikkeling (NIPDB) het gister 'n konsultasiesessie vir belanghebbendes in die private sektor gehou sodat dié groep hul insette kon lewer, hul kommer kon uitspreek en aanbevelings oor die wetsontwerp kon voorstel voordat dit deur die parlement aanvaar word.
Me. Nangula Uaandja, die uitvoerende hoof van NIPDB, het 'n kort oorsig van die wetsontwerp gegee en vrae beantwoord wat belanghebbendes geopper het. Uaandja het egter gesê sy het nie antwoorde op al die vrae nie.
SKUIWERGATE
Een van die belanghebbendes het opgemerk die beleggingsgesindheid in Namibië het rondom 2016 begin verander namate beleggings begin afneem het, en dit kan toegeskryf word aan 'n onvriendelike sakeomgewing.
Hy het verder gesê sekere bepalings in die wetsontwerp is onduidelik en moet uitgebrei word.
Die mag wat aan kommissarisse gegee word, is ’n groot bron van kommer aangesien dit ’n rol in die Fishrot-omkoperyskandaal gespeel het.
’n Belanghebbende het aanbeveel dat kommissarisse deur 'n oop aansoekproses aangestel word en nie deur die president nie. Dit sal deursigtigheid tydens die proses verseker.
Nog een het opgemerk hoe hierdie wetsontwerp die informele ekonomie gaan bevoordeel. Dít deur aandag te gee aan die probleem van ongelykheid om die gaping tussen ryk en arm te verklein deur toegang tot grond, gesondheidsorg, geregtigheid en natuurlike hulpbronne te verseker.
Uaandja het gesê die regering het 'n instrument genaamd NEEEF geskep en die private sektor moet saam met die regering werk om hierdie kwessies op te los en minderbevoorregte gemeenskappe te bemagtig. Uaandja het bygevoeg sy stem saam met die kwessies wat geopper is en dit sal deur die raad oorweeg word om te verseker die wetsontwerp is inklusief. - [email protected]
Om beleggers te lok wat Namibië dringend nodig het, veral noudat ander drywers vir ekonomiese groei uitgeput is, is dit van uiterste belang om ’n ondersteunende en vriendelike sakeomgewing te skep.
Die privaat sektor speel ’n belangrike rol in die bevordering van ekonomiese groei, dus sal ’n meer toeganklike manier om sake in Namibië te doen, sekerheid en vertroue in dié sektor skep en uiteindelik beleggings ’n hupstoot gee.
Die privaat sektor is van mening die Nuwe Raamwerk vir Gelyke Ekonomiese Bemagtiging (NEEEF) in sy huidige formaat sal substantiewe magsmisbruik bevorder, beleggings kortwiek, ekonomiese groei laat afneem en ongelykheid en armoede bevorder.
Die Namibiese raad vir die bevordering van beleggings en ontwikkeling (NIPDB) het gister 'n konsultasiesessie vir belanghebbendes in die private sektor gehou sodat dié groep hul insette kon lewer, hul kommer kon uitspreek en aanbevelings oor die wetsontwerp kon voorstel voordat dit deur die parlement aanvaar word.
Me. Nangula Uaandja, die uitvoerende hoof van NIPDB, het 'n kort oorsig van die wetsontwerp gegee en vrae beantwoord wat belanghebbendes geopper het. Uaandja het egter gesê sy het nie antwoorde op al die vrae nie.
SKUIWERGATE
Een van die belanghebbendes het opgemerk die beleggingsgesindheid in Namibië het rondom 2016 begin verander namate beleggings begin afneem het, en dit kan toegeskryf word aan 'n onvriendelike sakeomgewing.
Hy het verder gesê sekere bepalings in die wetsontwerp is onduidelik en moet uitgebrei word.
Die mag wat aan kommissarisse gegee word, is ’n groot bron van kommer aangesien dit ’n rol in die Fishrot-omkoperyskandaal gespeel het.
’n Belanghebbende het aanbeveel dat kommissarisse deur 'n oop aansoekproses aangestel word en nie deur die president nie. Dit sal deursigtigheid tydens die proses verseker.
Nog een het opgemerk hoe hierdie wetsontwerp die informele ekonomie gaan bevoordeel. Dít deur aandag te gee aan die probleem van ongelykheid om die gaping tussen ryk en arm te verklein deur toegang tot grond, gesondheidsorg, geregtigheid en natuurlike hulpbronne te verseker.
Uaandja het gesê die regering het 'n instrument genaamd NEEEF geskep en die private sektor moet saam met die regering werk om hierdie kwessies op te los en minderbevoorregte gemeenskappe te bemagtig. Uaandja het bygevoeg sy stem saam met die kwessies wat geopper is en dit sal deur die raad oorweeg word om te verseker die wetsontwerp is inklusief. - [email protected]
Kommentaar
Republikein
Geen kommentaar is op hierdie artikel gelaat nie