Nedersettings amper ontlastingvrye gebied

Jana-Mari Smith – Twee gemeenskappe aan die buitewyke van Windhoek wag om te hoor of hulle die status van openbare ontlastingvrye gebied (ODF) behaal het. Dit kan moontlik die eerste keer wees wat ’n informele nedersetting in Windhoek dié status bereik.Die Nalitungwe- en Hadino Hinshongwai- informele nedersetting het onlangs ’n span nasionale ODF-inspekteurs verwelkom om hul vordering sedert 2019 – om sanitasie en netheid in hul gemeenskappe te verbeter – ten toon te stel.Aan die einde van 2020 kon albei gemeenskappe hul eie gebiede as ODF bevestig en dit is die eerste stap in die proses om amptelike sertifisering te verwerf.Die gemeenskap wag tans op die uitslae.As hul inspeksies suksesvol is, sal hul ODF-status 'n belangrike mylpaal vir informele nedersettings in Windhoek wees en hopelik die pad vir ander gemeenskappe baan om in hul voetspore te volg.Informele nedersettings in Namibië word reeds ’n geruime tyd deur die munisipaliteit afgeskeep met inwoners wat gedwing word om oop ruimtes soos rivierlope en ander afgeleë gebiede as toilette te gebruik.Die gebrek aan water, elektrisiteit, basiese handewasgeriewe, blootstelling aan hitte en koue en die gebrek aan veiligheid en sekuriteit is kenmerkend van die lewe in informele nedersettings.Aangesien die gemeenskappe nie basiese handewasgeriewe het nie en menslike ontlasting in oop ruimtes tussen die nedersettings plaasvind, het hepatitis E vinnig versprei en die gemeenskappe sedert 2017 oorweldig.TRANSFORMASIE“In Nalitungwe het die basiese netheid van die gemeenskap drasties verbeter ten opsigte van afvalbestuur en sanitasie. Hulle verstaan hulle moet toilette bou en deel. “Algemene higiëne het verbeter. Voorheen was rommel orals gestrooi en toiletpapier was in die rivierbedding sigbaar. Maar nou is ons trots om te sê die gemeenskap verstaan dit is beter om in 'n skoon omgewing te bly,” het me. Foibe Silvanus, die Moses Garoeb se Gemeenskapgeleide Totale Sanitasie (CLTS)-koördineerder, gesê.Sy het benadruk dat die opknappings nie net algemene higiëne en netheid in die woonbuurte insluit nie, maar dit het ook gevalle van veral diarree onder kinders en hepatitis E verminder.Die CLTS-koördineerder vir die Samora Machel-kiesafdeling, mnr. Berthold Haingura, sê die gemeenskappe het 'n drastiese transformasie ondergaan.“Jy kan die verskil tussen die verlede en nou sien. Hulle het hul eie sanitasiegeriewe gebou en hul vullis word na 'n nuwe stortingsterrein gestuur.” Die munisipaliteit stuur weekliks 'n vragmotor om die rommel te verwyder. Nog 'n mylpaal vir die gemeenskap.Haingura het verwys na 'n rivierbedding in die omgewing, wat elke dag deur kinders en volwassenes oorgesteek word, maar voorheen vol rommel en menslike ontlasting was.“Dit was so walglik dat jy nie daar kon loop nie. Die CLTS-ingryping het hierdie veranderinge meegebring, waar mense nou hul vullis bestuur. Dit is wonderlik.”Haingura het benadruk 'n ODF-sertifisering sal 'n rimpeleffek hê en ander gemeenskappe motiveer om hul eie ODF-status na te streef.CLTS SE BENADERINGOm ODF-status te bereik, moet alle huishoudings toegang hê tot 'n skoon toilet en handewasgeriewe wat volgens spesifikasies gebou is. Die ander vereistes sluit in dat die omgewing sonder ontlasting, rommel en rioolwater moet wees en algemene netheid.Die CLTS-veldtogte is die eerste keer in 2019 deur die Development Workshop Namibia (DWN), in samewerking met die Namibiese Kamer van die Omgewing (NCE) en tegniese ondersteuning van UNICEF met die hulp van gemeenskapsleiers en vrywilligers van Moses //Garoeb en Samora Machel, van stapel gestuur.CLTS volg 'n gemeenskaplike benadering om informele inwoners in te lig oor die gevare van openbare ontlasting en om die bou van toilette en vullishope, sowel as algemene higiëne, aan te moedig.Vrywilligers het huishoudings besoek om raad oor higiëne en sanitasie te gee. Die DWN het aan inwoners die belangrikheid van sanitasie gedemonstreer om inwoners aan te moedig om hul eie toilette te bou.Die DWN-projekkoördineerder, me. Sheya Timo Gotlieb, het gesê die gemeenskap en hul CLTS-vennote is opgewonde om die resultate van die verifikasieproses te hoor."Dit was 'n baie suksesvolle transformasie vir hulle. Hulle woon hier, hulle reis na ander gemeenskappe en sien die verskil tussen hulle blok en die ander gebiede. Ek dink dit sal 'n oomblik van trots wees."- jana@namibiansun.com.na

Nedersettings amper ontlastingvrye gebied

Kommentaar

Republikein 2025-12-16

Meld asseblief aan om kommentaar te lewer

Nedersettings amper ontlastingvrye gebied

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.