Neckartaldam kry water
‘n Satellietfoto van die dam wys dit het goeie invloei gehad.
Elvira Hattingh – Terwyl die Nautedam, wat verlede week 61,7% vol was, soveel water bygekry het dat die sluise oopgetrek moes word, het die nuutgeboude Neckartaldam die afgelope week ook ‘n invloei van water gehad.
Die Hidrologiese Dienste van Namibië het gister in hul jongste vloedbulletin ‘n lugfoto gedeel van die Neckartaldam, wat in die Visrivier geleë is. Dit is deur die Europese Ruimteagentskap (ESA) se Sentinel 2A-satelliet geneem en wys die dam het heelwat water gekry.
Dié dam se vlakke word nog nie deur NamWater gemonitor nie omdat dit nog nie amptelik aan die onderneming oorhandig is nie.
RIVIERVLAKKE STYG
Die Visrivier het tydens die publikasie van die jongste vloedbulletin sowat 13 cm diep by Tses gevloei, nadat dit Dinsdagoggend so diep as 46 cm gevloei het. ‘n Week vantevore was dié rivier slegs 10 cm diep.
Intussen het die Zambezirivier se vlakke by Katima Mulilo sedert die begin van die week met altesaam 9 cm gestyg en staan dit nou op 1,42 m, waar dit op Dinsdag 1,35 m diep gevloei het. Dié rivier bevat steeds heelwat minder water as verlede jaar dieselfde tyd, toe dit op 3,55 m gestaan het.
Die Okavangorivier by Rundu se vlakke is besig om vinnig te styg en staan tans op 4,79 m – 8 cm dieper as twee dae vantevore. Dit is steeds laer as verlede jaar dieselfde tyd toe die rivier 5,64 m diep gevloei het.
HOËR DAMVLAKKE
Danksy ‘n invloei van 34,262 miljoen kubieke meter (Mm³) water in die Suide se Nautedam, het dié dam se vlakke met meer as 40% gestyg. Toe dit teen Maandag 104,1% bereik, het NamWater die sluise oopgetrek om die vlak weer tot 100% te laat daal.
Geen ander damme wat deur NamWater gemonitor word, het die afgelope week ‘n invloei van water gehad nie. Die invloei in die Naute was só groot dat dit die nasionale gemiddeld van al die water wat in damme gehou word, met 4,3% gelig het, volgens NamWater se jongste damverslag.
Tans hou damme gemiddeld sowat 35,4% water, in vergelyking met verlede week dieselfde tyd toe dié syfer op 31% gestaan het. Dít is steeds laer as dieselfde tyd verlede jaar, toe damme gemiddeld 41% water bevat het.
Die Swakoppoortdam is nog 20,1% vol, die Von Bachdam 49,3% en die Omatakodam 0,7%. Gemiddeld bevat dit 0,3% minder water as ‘n week vantevore en ook meer as 10% minder as dieselfde tyd verlede jaar.
Die Goreangabdam is tans 90,1% vol, die Otjiverodam staan op 4,4% en die Tilda Viljoendam op 3,8%.
Die Hardapdam het nog sowat 30,2% water oor, terwyl die Oanobdam 55,3% water hou.
Al die damme in Namibië hou tans gesamentlik 246,161 Mm³ water – heelwat minder as verlede jaar dieselfde tyd toe 300,702 Mm³ water oor was.
Die Hidrologiese Dienste van Namibië het gister in hul jongste vloedbulletin ‘n lugfoto gedeel van die Neckartaldam, wat in die Visrivier geleë is. Dit is deur die Europese Ruimteagentskap (ESA) se Sentinel 2A-satelliet geneem en wys die dam het heelwat water gekry.
Dié dam se vlakke word nog nie deur NamWater gemonitor nie omdat dit nog nie amptelik aan die onderneming oorhandig is nie.
RIVIERVLAKKE STYG
Die Visrivier het tydens die publikasie van die jongste vloedbulletin sowat 13 cm diep by Tses gevloei, nadat dit Dinsdagoggend so diep as 46 cm gevloei het. ‘n Week vantevore was dié rivier slegs 10 cm diep.
Intussen het die Zambezirivier se vlakke by Katima Mulilo sedert die begin van die week met altesaam 9 cm gestyg en staan dit nou op 1,42 m, waar dit op Dinsdag 1,35 m diep gevloei het. Dié rivier bevat steeds heelwat minder water as verlede jaar dieselfde tyd, toe dit op 3,55 m gestaan het.
Die Okavangorivier by Rundu se vlakke is besig om vinnig te styg en staan tans op 4,79 m – 8 cm dieper as twee dae vantevore. Dit is steeds laer as verlede jaar dieselfde tyd toe die rivier 5,64 m diep gevloei het.
HOËR DAMVLAKKE
Danksy ‘n invloei van 34,262 miljoen kubieke meter (Mm³) water in die Suide se Nautedam, het dié dam se vlakke met meer as 40% gestyg. Toe dit teen Maandag 104,1% bereik, het NamWater die sluise oopgetrek om die vlak weer tot 100% te laat daal.
Geen ander damme wat deur NamWater gemonitor word, het die afgelope week ‘n invloei van water gehad nie. Die invloei in die Naute was só groot dat dit die nasionale gemiddeld van al die water wat in damme gehou word, met 4,3% gelig het, volgens NamWater se jongste damverslag.
Tans hou damme gemiddeld sowat 35,4% water, in vergelyking met verlede week dieselfde tyd toe dié syfer op 31% gestaan het. Dít is steeds laer as dieselfde tyd verlede jaar, toe damme gemiddeld 41% water bevat het.
Die Swakoppoortdam is nog 20,1% vol, die Von Bachdam 49,3% en die Omatakodam 0,7%. Gemiddeld bevat dit 0,3% minder water as ‘n week vantevore en ook meer as 10% minder as dieselfde tyd verlede jaar.
Die Goreangabdam is tans 90,1% vol, die Otjiverodam staan op 4,4% en die Tilda Viljoendam op 3,8%.
Die Hardapdam het nog sowat 30,2% water oor, terwyl die Oanobdam 55,3% water hou.
Al die damme in Namibië hou tans gesamentlik 246,161 Mm³ water – heelwat minder as verlede jaar dieselfde tyd toe 300,702 Mm³ water oor was.
Kommentaar
Republikein
Geen kommentaar is op hierdie artikel gelaat nie