Nchido-familie versoek ondersoekverslag
Ogone Tlhage – Die familie van die vier vissermanne wat deur Botswana se weermag (BDF) doodgeskiet is, het gevra om ’n ondersoekverslag oor die voorval te sien.
Die familie het hul voorneme aan president Hage Geingob bekend gemaak toe hy hulle onlangs op die Impalila-eiland in die Zambezistreek besoek het.
Die president het hulle meegedeel dat die gesamentlike ondersoek na die moorde afgehandel is en dat hul versoek oorweeg sal word om die inhoud van die verslag onder oë te kry.
Die kwessie van jurisdiksie is egter ewe belangrik en die publiek kan nie toegang tot die verslag verkry nie, het Geingob volgens die presidensiële woordvoerder aan die familie gesê.
Die drie broers, mnre. Tommy, Martin en Wamunyima Nchindo asook hul neef, mnr. Sinvula Muyeme, 'n Zambiese burger, is op 5 November verlede jaar doodgeskiet toe die BDF hulle in die suidelike kanaal van die Choberivier betrap het. Hul moeder, me. Alphonsina Mubu, is vyf dae later dood en hul suster is weens skok in die hospitaal opgeneem.
Die suidelike kanaal van die rivier is 'n verbode gebied, wat volgens die BDF as 'n kanaal vir stropers gebruik word. Die familiewoordvoerder, mnr. George Nchindo, het vandeesweek met Republikein se susterkoerant Namibian Sun gepraat en gesê die familie moet nog met raadgewers vergader om die volgende stap te bepaal, maar het gesê 'n vergoedingseis word as 'n opsie oorweeg.
Die president van Botswana, Mokgweetsi Masisi, het vroeër ontken dat sy land se weermag ’n doodskietbeleid volg wanneer vermeende stropers in die land se nasionale parke betrap word.
– [email protected]
FOTO
Pres. Hage Geingob op besoek aan Impalila-eiland die naweek. Foto Namibian Presidency
Die familie het hul voorneme aan president Hage Geingob bekend gemaak toe hy hulle onlangs op die Impalila-eiland in die Zambezistreek besoek het.
Die president het hulle meegedeel dat die gesamentlike ondersoek na die moorde afgehandel is en dat hul versoek oorweeg sal word om die inhoud van die verslag onder oë te kry.
Die kwessie van jurisdiksie is egter ewe belangrik en die publiek kan nie toegang tot die verslag verkry nie, het Geingob volgens die presidensiële woordvoerder aan die familie gesê.
Die drie broers, mnre. Tommy, Martin en Wamunyima Nchindo asook hul neef, mnr. Sinvula Muyeme, 'n Zambiese burger, is op 5 November verlede jaar doodgeskiet toe die BDF hulle in die suidelike kanaal van die Choberivier betrap het. Hul moeder, me. Alphonsina Mubu, is vyf dae later dood en hul suster is weens skok in die hospitaal opgeneem.
Die suidelike kanaal van die rivier is 'n verbode gebied, wat volgens die BDF as 'n kanaal vir stropers gebruik word. Die familiewoordvoerder, mnr. George Nchindo, het vandeesweek met Republikein se susterkoerant Namibian Sun gepraat en gesê die familie moet nog met raadgewers vergader om die volgende stap te bepaal, maar het gesê 'n vergoedingseis word as 'n opsie oorweeg.
Die president van Botswana, Mokgweetsi Masisi, het vroeër ontken dat sy land se weermag ’n doodskietbeleid volg wanneer vermeende stropers in die land se nasionale parke betrap word.
– [email protected]
FOTO
Pres. Hage Geingob op besoek aan Impalila-eiland die naweek. Foto Namibian Presidency
Kommentaar
Republikein
Geen kommentaar is op hierdie artikel gelaat nie