NCCI sê vandag of lorriekrisis verby is

Ronelle Rademeyer - Bevestiging is ontvang dat van die Namibiese vragmotors wat deur die Zambiese owerhede gekonfiskeer was tydens die maandelange ondersoek na die onwettige handel in die verbode hout, mukula, gister by die grenspos by Seseke aangekom het.Dit volg nadat die geskutte vragmotors, waarvan sommige reeds sedert Februarie by die weermagbasis by Kafue staan, Saterdag die groen lig gekry het om na Namibië terug te keer.Mnr. Blackie Swart van Walvisbaai was een van die drywers wat Saterdag ná vyf maande in die buurland kon huiswaarts keer.Swart, ’n pensioenaris, het in Februarie ingestem om JC Carriers “uit te help” en ’n vrag te ry. “Wat tien dae weg van die huis sou wees, het vyf maande geword,” het hy gister telefonies van Seseke af by die grens tussen Zambië en Namibië vertel.Teen middagtyd gister het ’n “lang konvooi” vragmotors reeds by die grenspos aangekom, het Swart vertel.Hy sê aangesien die vragmotors so lank geskut was, het die oorgrenspermitte, wat net drie maande geldig is, verstryk. Dit beteken die drywers moet wag dat die vervoerkontrakteurs in wie se diens hulle is, nuwe permitte deurstuur. “Die papierwerk hier by die grens kan ons lank ophou.”Me. Charity Mwiya, bestuurder van lededienste by die Namibiese Kamer van Handel en Nywerheid (NCCI), het gister gesê dit is te vroeg om die vreugdevure aan te steek.“So lank is wat die vragmotors nog in die Zambië is, kan ons nie sê die krisis is verby nie.”Sy sê die NCCI sal vandag eers kan bepaal hoeveel Namibiese vragmotors op pad terug is na die land en of die krisis waarin die buurland die plaaslike vervoerbedryf gedompel het, iets van die verlede is.Intussen het Namibië se ambassadeur in Zambië, amb. Leonard Nambahu, gister by navraag gesê hy is tans in Namibië aangesien hy die gedenkdiens en begrafnis van wyle mnr. Andimba Toivo ya Toivo bygewoon het. “Ek is gevolglik nie op die hoogte van gebeure rakende die vragmotorkrisis nie en sal môre (vandag) deur my kantoor in Lusaka ingelig word.”

NCCI sê vandag of lorriekrisis verby is

Kommentaar

Republikein 2025-05-05

Meld asseblief aan om kommentaar te lewer

NCCI sê vandag of lorriekrisis verby is

Kommentaar

Republikein 2025-05-05

Meld asseblief aan om kommentaar te lewer

MELD AAN

Advertensie