NBC-staking is op pad

Die nasionale uitsaaier, NBC, se bestuur maan 'n staking deur die Namibiese Vakbond vir Staatsdienswerkers (Napwu) is op hande. Die direkteur-generaal van NBC, mnr. Stanley Similo, het Vrydag werknemers ingelig dat die staking kom nadat die uitsaaier se begroting met 62% gesny is. Die NBC se begroting vir die boekjaar is slegs N$127,5 mljoen, in vergelyking met N$334,1 miljoen die vorige jaar. “Dit beteken ons kry N$206,6 miljoen minder per jaar, wat 'n maandelikse tekort van N$17,2 miljoen beteken,” skryf hy. “Die mislukking om die aandeelhouer te oortuig om die subsidie te vergroot, sal natuurlik ernstige nagevolge vir die maatskappy inhou, insluitend die menslike kant van dinge,” waarsku hy. Verder sê Similo die NBC sal die beginsel van geen-werk-geen-beloning streng tydens die komende staking toepas. 'n Daaglikse salaris, mediesefondsbydrae, pensioenfondsbydrae, behuisingstoelaag, vervoertoelaag en lewensversekeringsbydrae sal vir die duur van die staking van deelnemende werknemers afgetrek word. Ná 'n raadsvergadering op Donderdag 8 April om die hersiene begroting te bespreek, is die nasionale uitsaaier se fokus nou om te verseker die maatskappy bly 'n gevestigde besigheid en dat bykomende uitgawes nie toeneem nie, sê hy.

NBC-staking is op pad

Kommentaar

Republikein 2025-05-07

Meld asseblief aan om kommentaar te lewer

NBC-staking is op pad

Kommentaar

Republikein 2025-05-07

Meld asseblief aan om kommentaar te lewer

MELD AAN

Advertensie