NBC ontken hy jak grondloses af
'n Beweging beweer hy word toegang tot die nasionale uitsaaier geweier en vra die saak moet ondersoek word.
Catherine Sasman
Die Namibiese Uitsaaikorporasie (NBC) ontken aantygings deur die Beweging vir Grondlose Mense (LPM) dat leiers van dié beweging verhinder word om toegang tot die Engelse en Damara/Nama-radiodiens te kry.
Die LPM het verlede week gesê veral mnre. Clinton Swartbooi, Henny Seibeb en me. Rosa Namises is toegang tot die openbare instelling geweier. Die uitsaaier verseg glo om onderhoude met hulle te voer en om aankondigings van die beweging uit te saai.
Verlede Vrydag is Namises na bewering “letterlik verhinder en (deur die aanbieder, mnr. Gerson Ore-Aob) uit die ateljee gestamp”.
Toe hy daaroor gevra is, het Ore-Aob blykbaar gesê hy het dit op instruksie van mnr. Joseph !Garab, die Damara/Nama-stasiebestuurder, gedoen “en by implikasie” dus ook op instruksie van mnr. Stanley Similo, die NBC se direkteur-generaal.
Die NBC het dié bewerings ontken.
Die uitsaaier se hoof- kommersiële beampte, mnr. Umbi Karuaihe-Upi, sê Namises het verlede week by die Damara/Nama-ateljee opgedaag om 'n aankondiging te doen oor 'n LPM-vergadering wat die afgelope naweek sou plaasvind.
“Sy (Namises) het nie 'n radioteks gehad nie, dus het die regisseur die saak na die bestuurder verwys, wat op daardie tydstip in 'n vergadering was.
“Ná 'n bespreking met die regisseur is Namises toegelaat om die aankondiging te maak,” het Karuaihe-Upi gesê.
Karuaihe-Upi sê ná die voorval het die NBC vir Namises geskakel. Sy het gesê sy is besig om 'n brief aan die NBC te skryf. Sy het aangevoer dat sy voorgesê is wat om te sê en meegedeel is dat die LPM nie op die lug toegelaat word nie.
“Die NBC het haar meegedeel alle aankondigings, openbare of kommersiële items, moet op skrif wees. As sy weer vir 'n onderhoud kom, moet sy met die bestuurder praat sodat die onderhoud vooraf bespreek kan word,” het Karuaihe-Upi gesê.
Vergadering
Die LPM hou vol dat sy leiers toegang tot die NBC verhinder word ondanks “vrugtelose” besprekings tussen die partye in Mei toe die nasionale uitsaaier die versekering gegee het daar is geen beleid om onderhoude met enige maatskaplike beweging of aktiviste te verhinder nie.
Die uitsaaier het toe glo ook gesê daar is niks wat in die pad van nuusdekking staan nie.
Die vergadering in Mei is byeengeroep nadat die LPM beswaar gemaak het dat NBC-joernaliste en radio-aanbieders glo traag was om nuusdekking aan die LPM te verleen uit vrees dat hulle afgedank sou word.
Die LPM beweer mnr. Albertus !Aochamub, voormalige direkteur-generaal van die NBC en tans pres. Hage Geingob se mediasekretaris, het druk op Similo uitgeoefen om nie 'n onderhoud met Seibeb op die TV-program One on One uit te saai nie.
Dit ná die minister van grondhervorming, mnr. Utoni Nujoma, glo by 'n kabinetsitting daaroor gekla het.
Die LPM sê die onderhoud met Seibeb was moeilik om te kanselleer omdat dit reeds op sosiale media aangekondig is.
Die beweging voer egter aan die onderhoud is wel deur die kantoor van die presidensie gesensor.
!Aochamub het die bewerings verwerp en gesê: “Iemand het 'n ryk verbeelding. Hulle moenie magte aan ons toedig wat ons nie het nie. Hulle moenie diegene wat in beheer van die NBC is, beledig nie. Hulle (die NBC-personeel) is niemand se strooipoppe of handmarionette nie.”
Die LPM sê pogings om vryheid van spraak “te versmoor” is onaanvaarbaar. Hy sê die NBC kan nie 'n mondstuk vir die magte aan beheer van sake wees, maar met belastinggeld gefinansier word nie.
“Belastingbetalers is ideologies, polities en ekonomies uiteenlopend. Dit kan nie so wees dat net menings gehoor word wat die regering loof, en diegene uitgesluit word wat die regering kritiseer nie,” het die LPM gesê.
Die beweging wil hê die kantoor van die ombudsman en die ombudsman vir die media moet die saak ondersoek.
Die Namibiese Uitsaaikorporasie (NBC) ontken aantygings deur die Beweging vir Grondlose Mense (LPM) dat leiers van dié beweging verhinder word om toegang tot die Engelse en Damara/Nama-radiodiens te kry.
Die LPM het verlede week gesê veral mnre. Clinton Swartbooi, Henny Seibeb en me. Rosa Namises is toegang tot die openbare instelling geweier. Die uitsaaier verseg glo om onderhoude met hulle te voer en om aankondigings van die beweging uit te saai.
Verlede Vrydag is Namises na bewering “letterlik verhinder en (deur die aanbieder, mnr. Gerson Ore-Aob) uit die ateljee gestamp”.
Toe hy daaroor gevra is, het Ore-Aob blykbaar gesê hy het dit op instruksie van mnr. Joseph !Garab, die Damara/Nama-stasiebestuurder, gedoen “en by implikasie” dus ook op instruksie van mnr. Stanley Similo, die NBC se direkteur-generaal.
Die NBC het dié bewerings ontken.
Die uitsaaier se hoof- kommersiële beampte, mnr. Umbi Karuaihe-Upi, sê Namises het verlede week by die Damara/Nama-ateljee opgedaag om 'n aankondiging te doen oor 'n LPM-vergadering wat die afgelope naweek sou plaasvind.
“Sy (Namises) het nie 'n radioteks gehad nie, dus het die regisseur die saak na die bestuurder verwys, wat op daardie tydstip in 'n vergadering was.
“Ná 'n bespreking met die regisseur is Namises toegelaat om die aankondiging te maak,” het Karuaihe-Upi gesê.
Karuaihe-Upi sê ná die voorval het die NBC vir Namises geskakel. Sy het gesê sy is besig om 'n brief aan die NBC te skryf. Sy het aangevoer dat sy voorgesê is wat om te sê en meegedeel is dat die LPM nie op die lug toegelaat word nie.
“Die NBC het haar meegedeel alle aankondigings, openbare of kommersiële items, moet op skrif wees. As sy weer vir 'n onderhoud kom, moet sy met die bestuurder praat sodat die onderhoud vooraf bespreek kan word,” het Karuaihe-Upi gesê.
Vergadering
Die LPM hou vol dat sy leiers toegang tot die NBC verhinder word ondanks “vrugtelose” besprekings tussen die partye in Mei toe die nasionale uitsaaier die versekering gegee het daar is geen beleid om onderhoude met enige maatskaplike beweging of aktiviste te verhinder nie.
Die uitsaaier het toe glo ook gesê daar is niks wat in die pad van nuusdekking staan nie.
Die vergadering in Mei is byeengeroep nadat die LPM beswaar gemaak het dat NBC-joernaliste en radio-aanbieders glo traag was om nuusdekking aan die LPM te verleen uit vrees dat hulle afgedank sou word.
Die LPM beweer mnr. Albertus !Aochamub, voormalige direkteur-generaal van die NBC en tans pres. Hage Geingob se mediasekretaris, het druk op Similo uitgeoefen om nie 'n onderhoud met Seibeb op die TV-program One on One uit te saai nie.
Dit ná die minister van grondhervorming, mnr. Utoni Nujoma, glo by 'n kabinetsitting daaroor gekla het.
Die LPM sê die onderhoud met Seibeb was moeilik om te kanselleer omdat dit reeds op sosiale media aangekondig is.
Die beweging voer egter aan die onderhoud is wel deur die kantoor van die presidensie gesensor.
!Aochamub het die bewerings verwerp en gesê: “Iemand het 'n ryk verbeelding. Hulle moenie magte aan ons toedig wat ons nie het nie. Hulle moenie diegene wat in beheer van die NBC is, beledig nie. Hulle (die NBC-personeel) is niemand se strooipoppe of handmarionette nie.”
Die LPM sê pogings om vryheid van spraak “te versmoor” is onaanvaarbaar. Hy sê die NBC kan nie 'n mondstuk vir die magte aan beheer van sake wees, maar met belastinggeld gefinansier word nie.
“Belastingbetalers is ideologies, polities en ekonomies uiteenlopend. Dit kan nie so wees dat net menings gehoor word wat die regering loof, en diegene uitgesluit word wat die regering kritiseer nie,” het die LPM gesê.
Die beweging wil hê die kantoor van die ombudsman en die ombudsman vir die media moet die saak ondersoek.
Kommentaar
Republikein
Geen kommentaar is op hierdie artikel gelaat nie