NBC: Afleggings sal N$150 miljoen kos

Sowat 156 poste in die gedrang

11 September 2019 | Ministeries
Hoofredaksie



Die aflegging van sowat 156 werknemers sal die NBC nie minder as N$150 miljoen kos nie.

Me. Umbi Karuaihe-Upi, die nasionale uitsaaier se hoof- kommersiële beampte, het gister bevestig die finansiële nood bring mee dat sowat 156 werksgeleenthede in die gedrang is. Sy sê indien dit op afleggings neerkom, sal ook dít “nie goedkoop wees nie”.

Sy het gesê permanente werksgeleenthede asook vryskutwerknemers se poste is in die weegskaal, of diegene wat kontrakte met die NBC aangegaan het.

“'n Proses moet eers gevolg word, wat onder meer behels dat daar met vakbonde onderhandel sal word,” het Karuaihe-Upi gesê.

“Die getal van 156 werksgeleenthede word genoem om te illustreer wat kán gebeur terwyl ons hierdie tipe finansiële uitdagings ervaar. Dit is net 'n tentatiewe getal indien die status quo gehandhaaf word en die regering nie die geld beskikbaar stel nie,” het Karuaihe-Upi gesê.



'SKEER ALMAL OOR SELFDE KAM'

Sy het die versekering gegee die NBC sal nie nét van vryskut- en kontrakwerknemers ontslae raak nie, maar almal oor dieselfde kam skeer.

Die uitsaaier het eergister gesê hy sou gister met die Namibiese Vakbond vir Staatsdienswerkers (Napwu) en die arbeidskommissaris in gesprek tree.

Dít om weer oor werknemers se kontrakte te onderhandel met die oog op kostebesparing, gekoppel met voordele wat nou en in die toekoms van toepassing sal wees.

Dié voordele sluit onder meer verlofdae, mediesefondsbydraes, pensioenbydraes, versekering en huislenings in.

Intussen het Napwu se verteenwoordiger by die NBC, mnr. Kephas Hembapu, gister aan Republikein gesê die vakbond sal werksverliese by die nasionale uitsaaier teenstaan. “Ons sal nie toelaat dat enige van ons lede hul werk verloor nie,” sê hy.

Volgens hom is 90% van die NBC se 569 werksnemers lede van Napwu.

“Ons onderhandelingseenheid sluit werkers van graad 4 tot graad 18 in,” sê hy.

Hembapu sê die vakbond is verlede week vir die eerste keer van die NBC se beplande besuinigingsmaatreëls verwittig, en het Maandag eers die besonderhede gehoor.

Hy beskuldig die regering van onwilligheid om sy rol te vervul, spesifiek wat subsidies betref.

“Dit raak alles,” sê Hambapu oor die NBC se geldsake.

Hy het gister met medewerknemers vergader en ook die vakbond se hooftak besoek om leiding by die vakbondleiers te kry.

•Die Internasionale Sokkerfederasie (FIFA) het die NBC gister betaal om die Brave Warriors se wedstryd teen Eritrea uit te saai.

Dit het by die Sam Nujoma-stadion in Katutura plaasgevind.

Soortgelyk

 

Moenie polisie-, weermaglede verfilm nie

1 uur gelede | Regering

Die ministerie van verdediging het lede van die publiek gewaarsku om nie foto’s of videos van lede van die Namibiese polisie of die weermag (NDF)...

Teko-trio vrygespreek

6 ure gelede | Howe

Ronelle Rademeyer - Die sakevrou, me. Teckla Lameck, en haar twee vennote, mnre. Yang Fan en Jeroboam (Kongo) Mokaxwa, is vanoggend in die hoërhof in...

Dokters wis nie van voorskrifte

16 ure gelede | Ministeries

Henriette Lamprecht Geen amptelike kennisgewing is aan lede van die twee grootste verenigings vir dokters in die land uitgestuur oor die herske­dulering van medikasie, insluitende...

Regering kry skuld vir SOE-gemors

16 ure gelede | Regering

Denver Kisting Die regering is 'n swak aandeelhouer.Só het die adjunk- uitvoerende direkteur van staatsdiensondernemings, me. Louise Shixwameni, gister op die ontbytprogram Good Morning Namibia...

Teenstropery: 280 polisielede veg saam

16 ure gelede | Misdaad

Francoise Steynberg Altesaam 280 polisielede van oraloor die land word in teenstropingseenhede op 'n driemaandelikse roteringsbasis in die Palmwagkonsessie en die Etosha en Bwabwata Nasionale...

Meer as N$350 000 se goedere kry voete

16 ure gelede | Misdaad

Volgens die Namibiese polisie se misdaadverslag het skelms Woensdag om 14:00 die venster van 'n voertuig in Windhoek se noordelike nywerheidsgebied stukkend geslaan. Die insittende...

Weer vir 18 September

16 ure gelede | Weer

WEERWAAK: Baie warm toestande sal oor die binneland voortduur.BINNELAND: Gedeeltelik bewolk en bloedig warm in die Suide, andersins sonnig en baie tot bloedig warm.KUS: Bewolk...

Konferensie fokus op gehalte-onderrig

16 ure gelede | Onderwys

Die Nasionale Raad vir Hoër Onderrig het, in vennootskap met die Namibiese Kwalifikasie-owerheid en die Universiteit van Namibië (Unam), die Universiteit van Wetenskap en Tegnologie...

'n Kolwyntjie vir Nadine

16 ure gelede | Plaaslik

Tanja Bause'n Elfjarige meisie van Windhoek het verlede jaar tydens die Internasionale Dansfees in Suid-Afrika stof in ander deelnemers sê oë geskop, en is hard...