Navorser soek steun vir Wit Vrou-teorie

Ronelle Rademeyer - Die Brandberg se beroemde rotstekening van die Wit Vrou beeld nie 'n Boesman-toordokter of -sjamaan (geestelike leier) uit soos argeoloë bevind het nie, maar 'n Iberiese vrouekryger uit die 1100's met Viking voorsate.Dít is die teorie van die Namibiese kunstenaar en argitek Linus Malherbe wat nou met 'n aanlyn petisie steun soek om dié teorie met terreinnavorsing te probeer staaf.Malherbe sê sy versoek om die gebied met 'n metaalverklikker te verken vir artefakte wat sal bewys dit is sowat 900 jaar gelede deur Europiërs besoek, is afgekeur. Hy het die aansoek aan dr. Alma Nankela, hoof argeoloog by die Nasionale Erfenisraad van Namibië, gerig.SY TEORIEMalherbe verduidelik hy maak na aanleiding van teoretiese navorsing die gevolgtrekking dat 'n groep reisigers in 'n Viking-skip uit die Iberiese skiereiland-gebied in die Middellandse see, teen die westelike kus van Afrika afgevaar het.Daar is immers 'n rotstekening naby Langebaan aan die Weskus van só 'n tipe skip.Die vrou in die tekening was deel van die geselskap. Hulle kleredrag en bykomstighede was tipies van verskillende kulture uit daardie tydperk.Verder glo hy sy was 'n tweede generasie Viking-nasaat met rooi hare.Malherbe skoei sy teorie op agt elemente in die tekening:1.Skoene;2.Pylpunt wat van yster is;3.Westerse boog;4.Armtooisel wat nie vere is nie, maar 'n tipiese armhulsel uit die tyd van die Middeleeue waarin jagmesse geplaas is;5.Rooi hare wat met kralewerk versier is;6.Boogskuttersband met gespe om die arm om dit te beskerm;7.Gordelpunt, wat ander argeoloë as 'n penis bestempel het; en8.'n Borsharnas met drie brande wat gebruik is om iets soos 'n swaard op die rug te dra. ANDER TEORIEËDie Duitse geoloog Reinhard Maack se gevolgtrekking in 1918 was dat die tekening 'n manlike Mediterreense danser en kryger uitbeeld.Die bekende Franse priester en argeoloog, Henri “Abbé” Breuil, se bevinding in 1945 was dit beeld 'n vrou uit en die figuur stem ooreen met vroulike atlete op die mure van die antieke paleis van koning Minos by Knossos in Kreta. Die naam “Wit Vrou” is ook aan hom te danke.Die argeoloë David Lewis-Williams en Thomas Dowson het egter in 1968 bevind die figuur is nóg die van 'n vrou, nóg die van 'n wit Europiër.DR. NANKELAVolgens Nankela is Malherbe se versoek om die gebied met 'n metaalverklikker te verken, afgekeur “omdat hy nie 'n argeoloog is nie”.Sy sê dit is internasionaal die reël dat argeologiese opgrawings en verkenningswerk net deur gelisensieerde argeoloë uitgevoer mag word.Nankela verduidelik dit is so goed iemand wat nie 'n dokter is nie, word toegelaat om op 'n pasiënt te opereer.Volgens haar staan dit Malherbe steeds vry om aan die sekretariaat van die Erfenisraad te skryf en spesiale vertoë te rig.Intussen het die bekende fotograaf, skrywer en bewaringsaktivis, Amy Schoeman, in 'n brief aan me. Waltraut Fritsche, hoof uitvoerende beampte van die Wetenskaplike Vereniging van Namibië, benadruk dat die Wit Vrou-terrein oop moet wees vir verkennende ontledings en ondersoeke.Sy het die brief geskryf nadat Nankela tydens Malherbe se bespreking van sy teorie tydens 'n praatjie van dié vereniging, die terrein as “heilig” beskryf het.Schoeman sê hoewel die rotstekeninge teen skending en verweer beskerm moet word, belangstelling daarin deur ondersoeke en ontledings aangemoedig moet word.

Navorser soek steun vir Wit Vrou-teorie

Kommentaar

Republikein 2026-02-03

Meld asseblief aan om kommentaar te lewer

Navorser soek steun vir Wit Vrou-teorie

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.