Nasa kies nuwe kadetruimtevaarders

Die eerste nuwe kadetruimtevaarders in 17 jaar is deur Nasa gekies.Dié 12 mans en vroue bring nou die getal Amerikaanse ruimtevaarders wat sedert 1959 met die Mercury-sendings gekies is, op 350 te staan. Dit is die 22ste kandidaatklas in die bestaan van Nasa.Die kadette is uit 18 300 aansoekers gekies. Hulle sal twee jaar lank intensiewe opleiding ondergaan, waarna aktiewe ruimtevaarders uit hul geledere gekies sal word.Benewens hul visie en gesondheid wat perfek moet wees, moet hulle binne twee jaar leer om Russies vlot te praat. Dit is ’n vereiste vir reise na die Internasionale Ruimtestasie (IRS).Die minimum vereistes om gekies te word, was die slaag van sielkundige, fisieke en intelligensietoetse, asook ’n graad in die wetenskappe, fisika, ingenieurswese, rekenaarwetenskap of wiskunde. Hulle moet ook of ’n minimum van 1 000 vliegure hê en/of drie jaar werkservaring.Volgens Nasa moet hulle in die twee jaar die volgende baasraak om ’n ruimtevaarder te word: Russies aanleer; met ’n T-38-straler leer vlieg en al die ingewikkelde stelsels aan boord van die IRS leer.Daar word op aarde geoefen om in die ruimte buite die stasie te werk, onder meer in ’n swembad. Die kadette leer ook al die terminologie en stelsels, asook om met die stasie se robotarm te werk.Die nuwe klas sal waarskynlik van dié groep wees wat later jare met die nuwe Orion-tuig sal vlieg en/of dalk verder as die maan of die IRS. - Netwerk24

Nasa kies nuwe kadetruimtevaarders

Kommentaar

Republikein 2026-10-06

Meld asseblief aan om kommentaar te lewer

Nasa kies nuwe kadetruimtevaarders

Kommentaar

Republikein 2026-10-06

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.