Nanso verdeeld oor #JUNE16
Helené Bam en Ronelle Rademeyer - Die Namibië Nasionale Studente-organisasie (Nanso) se verdeeldheid oor studente en leerlinge se deelname vandag aan die Regstellende Herposisionerings-beweging (AR) se massa-aksie teen die voorgenome nuwe parlementsgebou, is gister op die spits gedryf toe dié organisasie se president opnuut sy steun aan die AR toegesê het.
Mnr. Wilhelem Wilhelem het in ’n tweede verklaring gister gesê Nanso is vasbeslote om vandag saam met duisende Namibiërs aan die massa-optog deel te neem.
Dit volg nadat mnr. Herman Walter Rutz, lid van die nasionale uitvoerende komitee, eergister in ’n verklaring gesê het dié komitee het verlede week besluit om aan te kondig dat die organisasie nié aan die optog gaan deelneem nie.
Die nasionale uitvoerende komitee het ook besluit dat sy lede in leierskapsposisies wat terselfdertyd betrokke is by ander organisasies soos die AR, hul onderskeie rolle van mekaar moet skei en eerstens in die belang van Nanso moet optree.
Nanso se sekretaris-generaal, mnr. Dimbulukeni Nauyoma, is ’n stigter van die AR en Wilhelem is ’n AR-aktivis.
“Ons is nie net studente nie, maar ook lede van ons onderskeie gemeenskappe en dit is waarom ons teen die bou van ’n nuwe parlement gaan betoog,” het Wilhelem Dinsdag gesê.
Hy het gister in ’n tweede verklaring benadruk die beraamde N$2,2 miljard vir ’n nuwe gebou kan nie moreel geregverdig word in ’n land waar baie mense in armoede leef nie.
“Ons studente bly in informele nedersettings en sommige word gedwing om elke maand buitensporige bedrae vir huur te betaal. Daar is baie studente wat glad nie verblyf het nie. Party is gelukkig genoeg om saans in die biblioteke en kantore van sekere instellings te kan insluip en op die koue vloere te slaap. Dit is nie aanvaarbaar of toelaatbaar by hoëronderwysinstellings nie,” lui sy verklaring.
Volgens hom kan die geld wat aan ’n nuwe parlementsgebou bestee word, eerder gebruik word om behuising aan studente te voorsien en tersiêre studies te subsidieer.
In sy verklaring gister het hy teen Rutz uitgevaar en gesê midde dié krisis het dit (Nanso) te kampe met “’n opportunis in die vorm van ’n verlamde studenteleier”.
“As president doen ek ’n beroep op ons lede en strukture om die oningeligte sienings van Herman Rutz te ignoreer, aangesien dit nie die siening van die organisasie is nie,” het Wilhelem gesê.
’n Beroep is ook op leerlinge en onderwysers gedoen om nié vandag skool toe te gaan nie, maar eerder aan die beplande optogte in hul dorpe deel te neem. Hy sê 16 Junie is ’n belangrike en geskiedkundige dag om te vier. “Geen kind of onderwyser moet skool toe gaan nie. 16 Junie is op die skoolkalender as ’n vakansiedag aangedui en ons sal daarby hou,” lui die verklaring.
Studente van verskeie tersiêre instellings in die land beplan om vandag saam met lede van die AR teen die oprigting van die voorgestelde parlementsgebou in die hoofstad te betoog.
Die gebied rondom die parlementsgebou sal egter heeldag afgesper wees. Die optog sal dus om 09:00 by die jeugkompleks in Katutura begin, waarna die optoggangers tot by die Snymansirkel sal beweeg waar AR-aktiviste hul klagskrif aan die speaker, prof. Peter Katjavivi, sal oorhandig.
Mnr. Wilhelem Wilhelem het in ’n tweede verklaring gister gesê Nanso is vasbeslote om vandag saam met duisende Namibiërs aan die massa-optog deel te neem.
Dit volg nadat mnr. Herman Walter Rutz, lid van die nasionale uitvoerende komitee, eergister in ’n verklaring gesê het dié komitee het verlede week besluit om aan te kondig dat die organisasie nié aan die optog gaan deelneem nie.
Die nasionale uitvoerende komitee het ook besluit dat sy lede in leierskapsposisies wat terselfdertyd betrokke is by ander organisasies soos die AR, hul onderskeie rolle van mekaar moet skei en eerstens in die belang van Nanso moet optree.
Nanso se sekretaris-generaal, mnr. Dimbulukeni Nauyoma, is ’n stigter van die AR en Wilhelem is ’n AR-aktivis.
“Ons is nie net studente nie, maar ook lede van ons onderskeie gemeenskappe en dit is waarom ons teen die bou van ’n nuwe parlement gaan betoog,” het Wilhelem Dinsdag gesê.
Hy het gister in ’n tweede verklaring benadruk die beraamde N$2,2 miljard vir ’n nuwe gebou kan nie moreel geregverdig word in ’n land waar baie mense in armoede leef nie.
“Ons studente bly in informele nedersettings en sommige word gedwing om elke maand buitensporige bedrae vir huur te betaal. Daar is baie studente wat glad nie verblyf het nie. Party is gelukkig genoeg om saans in die biblioteke en kantore van sekere instellings te kan insluip en op die koue vloere te slaap. Dit is nie aanvaarbaar of toelaatbaar by hoëronderwysinstellings nie,” lui sy verklaring.
Volgens hom kan die geld wat aan ’n nuwe parlementsgebou bestee word, eerder gebruik word om behuising aan studente te voorsien en tersiêre studies te subsidieer.
In sy verklaring gister het hy teen Rutz uitgevaar en gesê midde dié krisis het dit (Nanso) te kampe met “’n opportunis in die vorm van ’n verlamde studenteleier”.
“As president doen ek ’n beroep op ons lede en strukture om die oningeligte sienings van Herman Rutz te ignoreer, aangesien dit nie die siening van die organisasie is nie,” het Wilhelem gesê.
’n Beroep is ook op leerlinge en onderwysers gedoen om nié vandag skool toe te gaan nie, maar eerder aan die beplande optogte in hul dorpe deel te neem. Hy sê 16 Junie is ’n belangrike en geskiedkundige dag om te vier. “Geen kind of onderwyser moet skool toe gaan nie. 16 Junie is op die skoolkalender as ’n vakansiedag aangedui en ons sal daarby hou,” lui die verklaring.
Studente van verskeie tersiêre instellings in die land beplan om vandag saam met lede van die AR teen die oprigting van die voorgestelde parlementsgebou in die hoofstad te betoog.
Die gebied rondom die parlementsgebou sal egter heeldag afgesper wees. Die optog sal dus om 09:00 by die jeugkompleks in Katutura begin, waarna die optoggangers tot by die Snymansirkel sal beweeg waar AR-aktiviste hul klagskrif aan die speaker, prof. Peter Katjavivi, sal oorhandig.
Kommentaar
Republikein
Geen kommentaar is op hierdie artikel gelaat nie