Namvet las optog af

Teistering aangevoer

15 August 2018 | Politiek
Catherine Sasman - Hoewel die oudsoldate van die Namibiese Oorlogveteranetrust (Namvet) Maandag hul beplande optog na die parlement afgelas het en nie ‘n petisie aan die speaker, prof. Peter Katjavivi, oorhandig het nie, duur ander protesaksies vandeesweek voort.

Voormalige lede van SWAFT en Koevoet sê het hulle het besluit om die petisie met hul griewe nie aan Katjavivi te oorhandig nie, aangesien hulle meegedeel is hy is betrokke by die 38ste SADC-beraad, wat tans in Windhoek plaasvind.

Hulle beplan egter om die petisie vandag by die parlement aan die nege opposisiepartye met setels in dié huis te oorhandig.

Môre sal hulle ‘n optog na die Suid-Afrikaanse hoëkommissariaat met dieselfde doel hou.

Namvet sê daarbenewens beplan hy Saterdag ‘n massavergadering van oudsoldate, met duisende van sy lede wat in Windhoek sal saamtrek.

Mnr. Jabulani Ndeunyema, Namvet se woordvoerder, het Maandag gesê die organisasie se tussentydse komitee het die naweek vergader ná inligting ontvang is dat streeksbevelvoerders van die weermag en polisie versoek is om soldate en polisiebeamptes na Windhoek te stuur om sy beplande veldtog te voorkom.

Dié bewering is ten sterkste deur die hoof van die polisie, lt.genl. Sebastian Ndeitunga, ontken.

“Dit is nie waar nie. Die inligting is opgemaak en nie waar nie,” het hy by navraag gesê.

Lt.kol. Petrus Shilumbu, woordvoerder van die weermag, se reaksie was die volgende: “Dit is vir my nuus. Daar is geen waarheid in die bewering nie. Waarom sal die weermag troepe ontbied as daar nie troepe in die Khomasstreek is nie. Mense moet ophou om gerugte te versprei. Die ministerie van verdediging weet nie van so ‘n oproep aan sy lede nie.”

Ndeitunga het wel ‘n beroep op Namvet gedoen om nie tussen 13 en 20 Augustus, terwyl die SADC-beraad aan die gang is, optogte te hou nie. “Ek sal hulle nooit verbied om te mars solank dit goed georganiseer is en vreedsaam geskied nie,” het hy dadelik bygevoeg.

Ndeunyema voer aan Ndeitunga het met die Suid-Afrikaanse hoëkommissariaat geskakel en hulle verseker die optog sal nie plaasvind nie.

“Ndeitunga het geen reg om namens ons op te tree nie. Dit laat ons glo hy is ‘n politikus in uniform,” het Ndeunyema gesê.

Ndeitunga het dit ontken, asook dat beamptes in die gebied rondom die Kommandosaal in Katutura patrolleer, waar die oudsoldate reeds vir langer as twee jaar uitkamp om hul stemme rugbaar te maak.

“Ek het nie die tyd of die manskappe om mense daar te ontplooi nie. Hul uitkampery daar is anargie. Hoekom kan hulle nie net hul menings laat hoor en huis toe gaan nie? Hulle het ‘n openbare oorlas geword; die toestande daar is onhigiënies.

“Hul reg op vryheid van spraak moenie inbreek maak op ander se regte nie. Dit is tyd dat hulle huis toe gaan. Hulle kan van daar af hul menings lug. Ons wil hulle halfpad ontmoet,” het die polisiebaas gesê.

Soortgelyk

 

Houtskoolbedryf sien enorme groei

23 ure gelede | Landbou

Elvira Hattingh op Otjiwarongo - Die Namibiese houtskoolbedryf het 'n "ontploffing in houtskoolproduksie" die afgelope jaar ervaar en 'n groei van 33% in een jaar...

Lodge, besigheid beroof – sewe vas

1 dag gelede | Misdaad

Henriette Lamprecht – Sewe verdagtes was gister reeds agter tralies nadat hulle by twee verskillende inbrake in die Omahekestreek betrokke was. Een van die inbrake...

Tolpaaie dalk op pad

1 dag gelede | Vervoer

font face="Verdana" >Catherine Sasman - Die Padfondsadministrasie (RFA) beoog om die lewensvatbaarheid van tolpaaie in Namibië te ondersoek.Dít as ’n moontlike bykomende bron...

Grondwet praat jou taal

1 dag gelede | Howe

Denver Kisting – Dit is belangrik dat die oppergesag van die land, die Grondwet, toeganklik is vir Jan en San Alleman.Alle wette in Namibië is...

Agterstallige pos glo nie NamPost se skuld

1 dag gelede | Ministeries

Catherine Sasman – Volgens NamPost is die agterstand in die aflewering van pos en pakkies nie sy skuld nie, maar wel die Suid-Afrikaanse Internasionale possentrum...

Weer vir 9 Augustus

1 dag gelede | Weer

BINNELAND: Gedeeltelik bewolk en warm in die Suide, maar baie tot bloedig warm in die Noorde.KUS: Gedeeltelik bewolk en matig tot warm met miskolle in...

Nou aan die gang

1 dag gelede | Kuns en vermaak

» Vanaand is die immergewilde Windhoek City Market weer in die hoofstad. Geniet ’n onbeperkte vonkelwynproe van verskeie wynkelders uit Suid-Afrika se produkte. Dié mark...

Klei en keramiek by negende biënnale

1 dag gelede | Kuns en vermaak

Die Pottebakkersvereniging van Namibië (PAN) se 9de Keramiek Biënnale word eersdaags by die Nasionale Kunsgalery van Namibië (NAGN) aangebied sal word. Die geleentheid is die...

N$150 miljoen vir landskapbestuur

1 dag gelede | Ministeries

Die ministerie van die omgewing en toerisme en die Nasionale Beplanningskommissie van Namibië het Woensdag ’n ooreenkoms met die Verenigde Nasies se Ontwikkelingsprogram (UNDP) onderteken,...