Namibiërs moet self droogteslagoffers help
Alle Namibiërs moet betrokke raak om hulp te verleen aan die bykans 500 000 Namibiërs wat landswyd deur die droogte geraak is.
Dit was die boodskap van me. Dorkas Kapembe-Hainduwa, die Namibiese Rooikruisvereniging (NRCS) se sekretaris-generaal, in ’n mediaverklaring wat Sondag ter viering van Wêreld Rooikruisdag uitgereik is.
“Ten spyte van die goeie reën wat ons in sommige dele van die land gehad het, bly die situasie kritiek en het ons almal se hulp nodig. Die Rooikruis het reeds sedert Oktober verlede jaar projekte waaronder sopkombuise en die rehabilitering van waterpunte in die Kunene- en Kavangostreek.
“Die Rooikruis en die regering kan egter nie alleen hierdie mense help nie en ons het nodig dat elke individuele Namibiër sy of haar deel sal gee; dit maak nie saak hoe klein die bydrae is nie,” het sy gesê.
Volgens Kapembe-Hainduwa sal dit ’n seën wees as die volgende reënseisoen goed is, maar sê dit is beter om voorbereid te wees as om onkant betrap te word.
Namibië het oor die afgelope twee jaar die ergste droogte in 30 jaar ervaar, met duisende vee wat gevrek het as gevolg van watertekorte en ’n gebrek aan weiding.
Die Suider-Afrikagebied staar tans uitgerekte periodes van ondergemiddelde reënval en warmer as normale temperature in die gesig. Dit het onder meer tot hittegolwe gelei, die vleisbedryf ingekort en tot die verwoesting van gewasse gelei.
Sy het ook gesê die Rooikruis is dankbaar teenoor vrywilligers, die ligdraers van die Rooikruis se humanitêre werk in Namibië. Sy het hulle as helde beskryf wat op dieselfde manier geëer moet word as wat die stigter van die Rooikruis, Henry Dunant, se verjaardag gevier word.
Kapembe-Haiduwa het gesê wêreldwyd bestaan die Rooikruis as gevolg van ’n sterk netwerk van vrywilligers wat hul dienste selfs in die gevaarlikste plekke aanbied, wat natuurlike rampe die hoof bied en selfs in konfliksituasies help waartydens sommige hul lewe verloor het.
“Vandag eer ons kollegas wat gesterf het terwyl hulle mense se waardigeid beskerm het. Ons verbind ons daartoe om standvastig te wees in die uitdagende en gevaarlike tye waarin ons ons bevind.”
Die NRCS het gesê die doel van vanjaar se tema, “Oral vir almal”, is gepas om die samelewing se verbintenis tot humanitêre werk asook nie-diskriminerende beginsels te vier.
Die NRCS se amptelike viering van Wêreld Rooikruisdag vind op Vrydag 13 Mei op Outapi in die Omusati-streek plaas.– Nampa
Dit was die boodskap van me. Dorkas Kapembe-Hainduwa, die Namibiese Rooikruisvereniging (NRCS) se sekretaris-generaal, in ’n mediaverklaring wat Sondag ter viering van Wêreld Rooikruisdag uitgereik is.
“Ten spyte van die goeie reën wat ons in sommige dele van die land gehad het, bly die situasie kritiek en het ons almal se hulp nodig. Die Rooikruis het reeds sedert Oktober verlede jaar projekte waaronder sopkombuise en die rehabilitering van waterpunte in die Kunene- en Kavangostreek.
“Die Rooikruis en die regering kan egter nie alleen hierdie mense help nie en ons het nodig dat elke individuele Namibiër sy of haar deel sal gee; dit maak nie saak hoe klein die bydrae is nie,” het sy gesê.
Volgens Kapembe-Hainduwa sal dit ’n seën wees as die volgende reënseisoen goed is, maar sê dit is beter om voorbereid te wees as om onkant betrap te word.
Namibië het oor die afgelope twee jaar die ergste droogte in 30 jaar ervaar, met duisende vee wat gevrek het as gevolg van watertekorte en ’n gebrek aan weiding.
Die Suider-Afrikagebied staar tans uitgerekte periodes van ondergemiddelde reënval en warmer as normale temperature in die gesig. Dit het onder meer tot hittegolwe gelei, die vleisbedryf ingekort en tot die verwoesting van gewasse gelei.
Sy het ook gesê die Rooikruis is dankbaar teenoor vrywilligers, die ligdraers van die Rooikruis se humanitêre werk in Namibië. Sy het hulle as helde beskryf wat op dieselfde manier geëer moet word as wat die stigter van die Rooikruis, Henry Dunant, se verjaardag gevier word.
Kapembe-Haiduwa het gesê wêreldwyd bestaan die Rooikruis as gevolg van ’n sterk netwerk van vrywilligers wat hul dienste selfs in die gevaarlikste plekke aanbied, wat natuurlike rampe die hoof bied en selfs in konfliksituasies help waartydens sommige hul lewe verloor het.
“Vandag eer ons kollegas wat gesterf het terwyl hulle mense se waardigeid beskerm het. Ons verbind ons daartoe om standvastig te wees in die uitdagende en gevaarlike tye waarin ons ons bevind.”
Die NRCS het gesê die doel van vanjaar se tema, “Oral vir almal”, is gepas om die samelewing se verbintenis tot humanitêre werk asook nie-diskriminerende beginsels te vier.
Die NRCS se amptelike viering van Wêreld Rooikruisdag vind op Vrydag 13 Mei op Outapi in die Omusati-streek plaas.– Nampa
Kommentaar
Republikein
Geen kommentaar is op hierdie artikel gelaat nie