Namibiërs laat waai met persoonlike lenings

Jo-Maré Duddy – Hoër rentekoerse mag wel die private sektor se lus vir paaiementskuld en oortrokke rekeninge gedemp het, maar hulle gaan steeds na hartelus skuld soos persoonlike lenings by banke aan.Die jongste kredietsyfers toon die private sektor – verbruikers en die korporatiewe sektor saam – het in die jaar tot einde Oktober bykans N$1,12 miljard se “ander lenings en voorskotte” by plaaslike banke bekom. Dié kategorie sluit persoonlike lenings in.Volgens IJG Securities het die private sektor teen die einde van Oktober in totaal bykans N$9,2 miljard aan “ander lenings en voorskotte” geskuld. Dit is sowat 13,9% meer as in Oktober 2015.Totale krediet wat aan die private sektor toegestaan is, het in die 12 maande tot einde Oktober 2016 maar met 10,23% gestyg. “Ander lenings en voorskotte” was die enigste kategorie wat dié syfer oorskry het.Op ‘n jaarbasis het paaiementskuld met 7,14% toegeneem, terwyl oortrokke rekeninge met 8,39% gestyg het en verbandlenings met 9,37% gegroei het.Teen die einde van Oktober het die private sektor se totale verbandleningskuld op bykans N$43,3 miljard gestaan. Amper N$10,5 miljard se oortrokke rekeninge was op handelsbanke se boeke, terwyl paaiementskuld in totaal bykans N$12,6 miljard beloop het.Totale huishoudelike skuld was meer as N$48,9 miljard, ‘n styging van 9,74% teenoor Oktober 2015.Die korporatiewe skuld was bykans N$35,1 miljard, sowat 10,4% meer as ‘n jaar gelede.Kassie:Kersfees of Knersfees?Die Bank of Namibia (BoN) maak vanoggend sy monetêre beleidsbesluit bekend.Die huidige siklus van rentekoersverhogings het in Junie 2014 begin en sedertdien het die sentrale bank reeds ses keer sy repokoers verhoog – telkens met 25 basispunte.Die repokoers is tans 7%, terwyl handelsbanke se prima-uitleenkoers op 10,75% staan.Republikein het by plaaslike ekonome oor hul verwagting vir vandag se aankondiging gaan aanklop:Eloise du Plessis (PSG Namibia)Geen veranderingEric van Zyl (IJG Securities)Geen veranderingFrans Uusiku (Simonis Storm)Geen veranderingNgoni Bopoto (Namibia Equity Brokers) Geen verandering

Namibiërs laat waai met persoonlike lenings

Kommentaar

Republikein 2025-05-07

Meld asseblief aan om kommentaar te lewer

Namibiërs laat waai met persoonlike lenings

Kommentaar

Republikein 2025-05-07

Meld asseblief aan om kommentaar te lewer

MELD AAN

Advertensie