Namibiërs fnuik buurland se toerkans

Namibië gaan in Desember aan die twaalfde e-Sportwêreldkampioenskap in Eilat, Israel, deelneem.Die nasionale Namibiese elektroniese sportspan in die vegspeletjie Dota2 (Defenders of the Ancient) het Sondagaand in twee aanlyn “toetse” van die Internasionale e-Sportfederasie teen Suid-Afrika se room te staan gekom en as oorwinnaars uit die stryd getree.Hoewel die Namibiërs in die elektroniese sokkerbotsing die knie met 3-1 moes buig, het hulle die Suid-Afrikaners met 3-0 in die Dota2-toets geklop. Die Namibiërs het dus volgens alle verwagtinge die reg verwerf om vroeg aanstaande jaar na Israel te vertrek om moontlik in Februarie in Eilat teen die res van die wêreld te staan te kom. Die wenland se Dota2-span is Franlo Meyer (FreyTiX), Mauro Teles (PoRRa07), Jurgen Teichert (Phycodamage), Paul Bingel (APoC) en Stiaan van der Merwe (Iceman) as die spankaptein. Namibië se kampioen in die Tekken7-gevegspeletjie sal ook in Israel in aksie wees. Matias Fillemon (Kandali) sal sy lan in Tekken7 in Eilat verteenwoordig.Die Namibiese e-Sportvereniging (Nesa) bedank Logitech G, Future CC en Vander Designs asook al die vrywilligers wat dié sportkode ondersteun en bevorder. Nesa wens sy spelers geluk met hul prestasie en deursettingsvermoë om die knoop deur te haak.

Namibiërs fnuik buurland se toerkans

Kommentaar

Republikein 2025-12-18

Meld asseblief aan om kommentaar te lewer

Namibiërs fnuik buurland se toerkans

Kommentaar

Republikein 2025-12-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.