Namibiërs betoog oor korrupsie
Keelvol Namibiërs dring aan op tronkstraf vir korrupte regeringslui en die bedanking van die Teenkorrupsiekommissie se hoof.
Tanja Bause - Meer as 200 mense van alle rasse en ouderdomme het Vrydag deelgeneem aan ’n teenkorrupsie-optog in Windhoek wat deur aktiviste gereël is.
Lede van die Regshulpsentrum (LAC), verskeie prokureurs, gemeenskapsaktiviste van Gobabis en ander individue was deel van die optog.
Die betogers het in die Zoopark bymekaargekom en geëis dat die voormalige minister van visserye en mariene hulpbronne, Bernard Esau, en die voormalige minister van justisie, Sacky Shanghala, in hegtenis geneem word weens hul beweerde betrokkenheid by korrupsie.
“As jy ’n misdadiger is, word jy in die tronk gesit – daar is nie ‘spesiale’ misdadigers nie. Misdadigers is misdadigers en dit is wat hulle is,” het ’n betoger gesê.
“Namibië behoort aan ons almal, en swart en wit behoort van die land te baat, nie net ’n uitgesoekte paar nie.”
“Ons Namibiese boom se wortels is vrot en dit dra nie vrugte nie. Gesondheid, onderwys . . . niks werk meer nie omdat daar nie geld is nie. Die geld word deur ’n paar weggedra. Ons eis geregtigheid.
“Shanghala en Esau, hoe slaap julle snags wetende dat julle van jul eie mense gesteel het?”
Mnr. Wallace Finnies, ’n gemeenskapsaktivis, en ’n kollega van hom het van Gobabis gekom om aan die optog deel te neem.
“Die gemeenskap het vir ons geld ingesamel sodat ons hier kan wees en vir almal kan laat weet dat Gobabis moeg is vir korrupsie in die land én op ons dorp. Ons gaan dit nie langer duld nie en sal stappe doen,” het hy gesê.
Die onafhanklike presidentskandidaat, dr. Panduleni Itula, het ook opgedaag en gesê die optog gaan nie oor ’n individue nie, maar oor die prinsiep.
“Daar kan geen ontwikkeling in die teenwoordigheid van korrupsie plaasvind nie. As individue in die kabinet korrup is, strek dit tot die kern van die leier. Wanneer 'n korrupte bedank het, moet hy tronk toe gaan,” het Itula gesê.
Die betogers het na die Teenkorrupsiekommissie (ACC) se kantore gestap om mnr. Paulus Noa, die kommissie se direkteur-generaal, toe te spreek.
“Namibiërs is siek en sat vir die gebreke en onbevoegdheid van die ACC om korrupsiesake suksesvol te ondersoek. Die ACC met jou aan die stuur is nie suksesvol nie. Daar is geen hoëprofielsake wat korrupte politici en plunderaars agter tralies geplaas het nie. Namibië vergaan van die skuld omdat jy geen stem het nie en bang is,” het die aktivis mnr. Ehiphas Simon in sy toespraak gesê.
“Voordat jy die kantoor as hoof verlaat, wil ons plunderaars agter tralies sien. As jy steeds die verskonings ‘gebrek aan hulpbronne' en 'ek kan nie’ wil gebruik, moet jy eerder bedank. As jy nie in staat is om bewyse te versamel nie – soos wat ons op video gesien het van ministers wat omkopery bespreek – dan is jy nie bevoeg om die ACC te lei nie.”
Lede van die Regshulpsentrum (LAC), verskeie prokureurs, gemeenskapsaktiviste van Gobabis en ander individue was deel van die optog.
Die betogers het in die Zoopark bymekaargekom en geëis dat die voormalige minister van visserye en mariene hulpbronne, Bernard Esau, en die voormalige minister van justisie, Sacky Shanghala, in hegtenis geneem word weens hul beweerde betrokkenheid by korrupsie.
“As jy ’n misdadiger is, word jy in die tronk gesit – daar is nie ‘spesiale’ misdadigers nie. Misdadigers is misdadigers en dit is wat hulle is,” het ’n betoger gesê.
“Namibië behoort aan ons almal, en swart en wit behoort van die land te baat, nie net ’n uitgesoekte paar nie.”
“Ons Namibiese boom se wortels is vrot en dit dra nie vrugte nie. Gesondheid, onderwys . . . niks werk meer nie omdat daar nie geld is nie. Die geld word deur ’n paar weggedra. Ons eis geregtigheid.
“Shanghala en Esau, hoe slaap julle snags wetende dat julle van jul eie mense gesteel het?”
Mnr. Wallace Finnies, ’n gemeenskapsaktivis, en ’n kollega van hom het van Gobabis gekom om aan die optog deel te neem.
“Die gemeenskap het vir ons geld ingesamel sodat ons hier kan wees en vir almal kan laat weet dat Gobabis moeg is vir korrupsie in die land én op ons dorp. Ons gaan dit nie langer duld nie en sal stappe doen,” het hy gesê.
Die onafhanklike presidentskandidaat, dr. Panduleni Itula, het ook opgedaag en gesê die optog gaan nie oor ’n individue nie, maar oor die prinsiep.
“Daar kan geen ontwikkeling in die teenwoordigheid van korrupsie plaasvind nie. As individue in die kabinet korrup is, strek dit tot die kern van die leier. Wanneer 'n korrupte bedank het, moet hy tronk toe gaan,” het Itula gesê.
Die betogers het na die Teenkorrupsiekommissie (ACC) se kantore gestap om mnr. Paulus Noa, die kommissie se direkteur-generaal, toe te spreek.
“Namibiërs is siek en sat vir die gebreke en onbevoegdheid van die ACC om korrupsiesake suksesvol te ondersoek. Die ACC met jou aan die stuur is nie suksesvol nie. Daar is geen hoëprofielsake wat korrupte politici en plunderaars agter tralies geplaas het nie. Namibië vergaan van die skuld omdat jy geen stem het nie en bang is,” het die aktivis mnr. Ehiphas Simon in sy toespraak gesê.
“Voordat jy die kantoor as hoof verlaat, wil ons plunderaars agter tralies sien. As jy steeds die verskonings ‘gebrek aan hulpbronne' en 'ek kan nie’ wil gebruik, moet jy eerder bedank. As jy nie in staat is om bewyse te versamel nie – soos wat ons op video gesien het van ministers wat omkopery bespreek – dan is jy nie bevoeg om die ACC te lei nie.”
Kommentaar
Republikein
Geen kommentaar is op hierdie artikel gelaat nie