Namibiër vlieg agter rooikuifloerie aan

Voëlkyker kry haar kiekies

05 December 2019 | Omgewing
Francoise Steynberg - Ná die skaars rooikuifloerie (Musuphaga rossae) onlangs vir die eerste keer langs die Kavangorivier ontdek is, het ’n kranige Namibiese vryskutfotograaf en voëlkyker besluit om dit met haar eie oë te sien.

Me. Sibylle Hähner, ’n Windhoekse radiografis, het besluit om op ’n vliegtuig te klim en die voël te gaan kiek wat onlangs by Taranga Safari Lodge, sowat 35 km wes van Rundu, op die oewer van die Kavangorivier gesien is.

“Ek sou nie sommer agter enige voël aanvlieg in die hoop dat dit steeds daar is nie, maar hierdie een was anders,” het Hähner gesê.

“Dit het gelyk of die rooikuifloerie daar is om te bly. Omdat dit so ’n skaars voël is, het ek besef ek moet gou speel. Dis nou of nooit.

“Soms moet mens net iets stapelgek doen. Ek het die besluit gemaak: Ek moet Rundu toe vlieg!”

Me. Iris Piehl van Expert Travel het Hähner se vlug met Air Namibia vir Vrydag van Windhoek na Rundu gereël, en Sondag terug.

“Ek het tussen Saterdag en Sondag die rooikuifloerie vier keer gesien. Daar waar ek opgedaag het, het die voël opgedaag. Dit het gevoel of die pragvoël spesiaal vir my geposeer het. Ek was baie gelukkig en dit was vir my baie spesiaal,” het Hähner gesê.

Sy het haar dank teenoor die eienaar van die lodge, mnr. Cobus Bruwer, en bestuurder, mnr. Stephan Steyn, vir haar aangename verblyf daar uitgespreek.

Dit was ook ’n groot voorreg vir Hähner om een van Suid-Afrika se topvoëlkenners, mnr. Michael Mason, te ontmoet.

“Ons was lank Facebook-vriende, maar dit was wonderlik om hom in lewende lywe te ontmoet. Die naweek was uiters lonend en die geld wat ek aan die reis bestee het, was elke sent werd.”

Fotografie en voëlkyk is Hähner se passies.

“Vyf jaar gelede het ek niks van voëls af geweet nie en my broer Wilfried het vir my ’n voëlgids gekoop. Toe het die voëlkykgogga my behoorlik gebyt.”

Gewoonlik reis Hähner en Wilfried, die bekende omroeper van die Duitse radiostasie HitRadio Namibia saam, maar hy was nie dié keer saam op haar ontdekkingstog nie, want hy het buitelandse toeriste op ’n toer deur die land geneem.

“Wilfried het my alles oor voëls geleer en ek het presies geweet waarvoor om te kyk om mooi foto’s van die rooikuifloerie te neem.”

Dié kleurvolle voël is wel voorheen in die Okavangodelta in Botswana, asook op die grens van Zimbabwe en Zambië gesien, maar rooikuifloeries broei nie in Suider-Afrika nie.

Die voël kom in geïsoleerde bevolkings in Gaboen, Kameroen, Soedan en Uganda voor en sy habitat is immergroen woude en riviere.

Mnr. David Hoddinott, van Suid-Afrika, het die besigtiging van die rooikuifloerie by Taranga Safari Lodge amptelik geregistreer.

Sodra voëlwebtuistes sulke ontdekkings plaas, veroorsaak dit geweldige belangstelling van voëlkykers oraloor Suider-Afrika.

Hulle het op kort kennisgewing van Kaapstad en Johannesburg gevlieg om, soos Hähner, die rooikuifloerie met hul eie oë te sien.

- [email protected]

Soortgelyk

 

KOLLIG Voorblad

1 dag gelede | Byvoegsels

Swakop hou Makietie bl. 4

ECN gaan Itula se aansoek teenstaan

1 dag gelede | Politiek

Denver Kisting – Vanweë die beweerde negatiewe uitwerking van elektroniese stemtoestelle (EVM’s) in die afgelope presidensiële verkiesing moet die proses tersyde gestel word.Dr. Panduleni Itula,...

Ekonomie bloei lánkal

1 dag gelede | Plaaslik

Jo-Maré Duddy – Ekonomiese groei het reeds in 2015 skerp begin tuimel sonder dat dit deur amptelike syfers weerspieël is, toon nuwe data wat gister...

NOU AAN DIE GANG

1 dag gelede | Byvoegsels

» Die Swakopmund Wetenskaplike Vereniging bied tans ‘n Kersfees-skattejag by die Swakopmund Museum aan. Dit bestaan uit twee afdelings, een vir kinders en een vir...

Geskorste raadslede van Rehoboth herkies

1 dag gelede | Regering

Denver Kisting op Rehoboth – Dieselfde span raadslede wat verlede jaar deur dr. Peya Mushelenga, die minister van stedelike en landelike ontwikkeling, in die pad...

Weer vir 13 Desember 2019

1 dag gelede | Weer

BINNELAND: Mooi weer en baie tot bloedig warm in die Suide. Elders sal dit gedeeltelik bewolk en baie tot bloedig warm wees. Winderige weer sal...

STEMFEITE: NAM & SA 2019

1 dag gelede | Politiek

In Namibië het Swapo persentasiegewys meer steun ingeboet as die ANC in Suid-Afrika.

NamibRe: Versekeraars moet 12,5% sedeer

1 dag gelede | Howe

Elvira Hattingh Plaaslike versekeringsmaatskappye móét voorts vir herverseke­ring by NamibRe opdok - tot tyd en wyl daar in 'n hangende hofsaak oor die wettigheid van...

CoW baklei teen beslaglegging

1 dag gelede | Regering

Denver Kisting – Die Windhoekse munisipaliteit (CoW) baklei tans verbete teen ’n beweerde beslagleggingsbevel wat poog om van hul vaste bates te konfiskeer.Veertien superintendente verbonde...