Namibiër met Omicron: Kontakopsporing begin

01 December 2021 | Gesondheid
Ronelle Rademeyer - Die ministerie van gesondheid en maatskaplike dienste het reeds begin om die mense op te spoor met wie die Namibiese diplomaat wat Sondag in Japan positief getoets het vir Covid-19, kontak gehad het tydens sy besoek verlede week aan Namibië.

Die Japanse owerhede het gister bekend gemaak genoomontleding by die nasionale instituut vir aansteeklike siektes in dié land, het bevestig hy is met die nuwe Omicron-variant, wat die eerste keer in Suid-Afrika geïdentifiseer is, besmet.

Die man was saam met twee gesinslede in Namibië om ’n begrafnis by te woon, het amb. Penda Naanda, uitvoerende direkteur van die ministerie van internasionale betrekkinge en samewerking (Mirco), by navraag gesê.

“Hy het aan Mirco ’n lys verskaf van al die mense met wie hy in Namibië in kontak was, en dit is aan die gesondheidsministerie gegee om dié mense op te spoor,” sê hy.

Volgens Naanda is die man en sy gesin met hul aankoms op die Narita-lughawe in Tokio vir Covid-19 getoets. Hy is in sy vroeë dertigs.

“Hulle is daarna toegelaat om na hulle blyplek in Tokio te gaan. Op pad daarheen het hulle ’n oproep van die Japanse gesondheidsowerheid ontvang en hy en sy gesin, asook die motorbestuurder, moes terugkeer na die lughawe,” sê hy.

Hulle is daarna in isolasie geplaas.

Naanda sê die gesin het met Ethiopian Airlines via Addis Ababa in Ethiopië en Seoul in Suid-Korea na Tokio gevlieg.

“Dit was ’n baie lang vlug. Soos jy weet, laat geen land ’n passasier toe wat nie ’n negatiewe PCR-toetsuitslag kan toon nie,” sê Naanda.

Hy kon nie sê hoe lank die gesin in Namibië was of waar die begrafnis plaadsgevind het nie.

Die minister van gesondheid in Japan, Shigeyuki Goto, sê die diplomaat het aanvanklik geen simptome getoon nie, maar het gister koors gehad, berig The Associated Press (AP).

Hy het volgens Goto in Julie sy tweede dosis Moderna-entstof ontvang.

Altesaam 70 ander passasiers op dieselfde vlug, insluitend sy twee gesinslede, word as noue kontakte beskou. Hulle het almal negatief getoets en is in selfisolasie. Hulle word deur die Japannese gesondheidsowerhede gemonitor, berig AP.

Die tien bemanningslede van die vliegtuig het nie in Tokio tyd deurgebring nie, maar dadelik hul vlug na ’n volgende bestemming voortgesit.

Intussen is 40 inwoners van Tokio ook as sy noue kontakte geïdentifiseer en hulle sal in kwarantyn geplaas word by fasiliteite wat deur die stad se metropolitaanse regering aangewys is, pleks daarom om tuis gemonitor te word, het goewerneur Yuriko Koike aan joernaliste gesê. [email protected]

Soortgelyk

 

Oorvol Oranje sorg vir skade

9 ure gelede | Omgewing

Toerismebestemmings geleë op die oewers van die Oranjerivier in die Suide van die land, is aan die ontvangkant van die oorvloei van water. Monique Adams...

21 sterftes, 373 nuwe gevalle

9 ure gelede | Gesondheid

Covid-19-sterftes styg met 21 tot 3 804. Geen van die gevalle was ingeënt nie. Gister is 373 nuwe gevalle aangemeld, 'n positiwiteitskoers van 13,4%....

Landless People's Movement onttrek twee raadslede van Keetmanshoop-munisipaliteit

12 ure gelede | Regering

Twee raadslede van die Keetmanshoop-munisipaliteit wat die Landless People's Movement verteenwoordig het, is met onmiddellike effek verwyder en hul verteenwoordiging opgehef. Sydney Skakana en Willie...

Drie van Okahandja se bestuurskomitee vas vir korrupsie

14 ure gelede | Misdaad

Die Teenkorrupsiekommissie van Namibië (ACC) het drie lede van die bestuurskomitee van die munisipaliteit op Okahandja vir korrupsie vasgetrek. Die drie, Gideon Uwu-Khaeb (voormalige voorsitter),...

Graad 11- en 12-uitslae middel Februarie verwag

16 ure gelede | Gesondheid

Die uitslae van voltydse kandidate vir die Nasionale Senior Sekondêre Sertifikaat Gewone Vlak (NSSCO) en Gevorderde Vlak (AS) sal in middel-Februarie vrygestel word. Volgens 'n...

Boggelrug rus teen die rotse

1 dag gelede | Omgewing

'n Boggelrugwalvis het gister laatmiddag by Langstrand Uitbreiding 1 tussen Swakopmund en Walvisbaai uitgespoel. Volgens 'n inwoner het die dooie walvis met laegety teen 'n...

Geen toetse vir ingeëntes

1 dag gelede | Gesondheid

Henriette Lamprecht – Namibië het gister ’n reusetree gegee om in pas te kom met die nuwe wêreldneiging waar reise deur inentingstatus eerder as ’n...

Families getraumatiseer ná verkeerde liggaam begrawe word

1 dag gelede | Mense

Adam Hartman op Swakopmund – Twee families in rou is verder getraumatiseer nadat hul geliefdes se liggame per ongeluk omgeruil is – klaarblyklik by die...

Risikoskaal vir boere swaar gelaai

1 dag gelede | Landbou

Ronelle Rademeyer - Skerp stygings in insetkoste, ’n “ontploffing” in veediefstalle en onsekerheid oor of die reënval vanjaar voldoende sal wees vir goeie weiding, is...