Namibiër eerste op Springbok Top 20
Die Namibiese James Loots, bestuurder van ’n voertuigopsporingsmaatskappy in Windhoek, het onlangs met sy sangtalent die eerste plek op die Springbok Internet Radio se Springbok Top 20 gehaal.
Hy het Dozi se “Grassade” opgeneem en op 24 Junie die eerste plek by ene Lize-Marie oorgeneem, wat dié posisie vir ses weke lank met die lied “Niks beter as liefde” beklee het. Hy beklee tans die posisie vir ’n tweede week.
Die Springbok Top 20 is ’n weeklikse kompetisie deur die Suid-Afrikaanse radiostasie waar amateurkunstenaars ’n bekende kunstenaar se liedjie opneem en sing. Luisteraars stem dan vir hul gunsteling sanger deur SMS’e, WhatsApp, e-posse en die webwerf. Om alles te kroon, het iemand anders James se video-opname van die lied op YouTube gesien en dit namens hom vir die kompetisie ingeskryf.
“Die radiostasie het my gekontak om te sê dat ek eerste plek in hul top 20 bereik het. Hulle het ook gesê vir dié spesifieke week het hulle van die meeste stemme ooit vir die kompetisie ontvang,” sê James.
Hy ontvang nie ’n prys nie, maar hoop dat ’n talentsoeker hom sal raaksien.
James het vantevore country-musiekkonserte saam met ’n plaaslike kunstenaar aangebied en onder meer op Mariental en Omaruru opgetree. Hy het ook al ’n konsert tydens ’n vorige jaar se Mnr. en Mej. HTS aangebied. Van die ander liedjies wat hy opgeneem het en wat op YouTube beskikbaar is, sluit in “Wederschau,” Kurt Darren se “Standing on the Edge” en ’n liedjie vir die Suidwes Tuis Bes Facebookblad.
Hy vermoed hy het sy talent van sy ma geërf, wat ’n horlosieradio met haar sangtalent gewen het. Boonop kan sy oupa enige musiekinstrument bespeel waarop hy sy hande lê. Lesers kan Springbok Internet Radio se webblad (www.springbokinternetradio.co.za) besoek en vir James stem om seker te maak hy bly boaan die lys. Kliek op die “Springbok Top 20”-skakel om na sy liedjie te luister.
Hy het Dozi se “Grassade” opgeneem en op 24 Junie die eerste plek by ene Lize-Marie oorgeneem, wat dié posisie vir ses weke lank met die lied “Niks beter as liefde” beklee het. Hy beklee tans die posisie vir ’n tweede week.
Die Springbok Top 20 is ’n weeklikse kompetisie deur die Suid-Afrikaanse radiostasie waar amateurkunstenaars ’n bekende kunstenaar se liedjie opneem en sing. Luisteraars stem dan vir hul gunsteling sanger deur SMS’e, WhatsApp, e-posse en die webwerf. Om alles te kroon, het iemand anders James se video-opname van die lied op YouTube gesien en dit namens hom vir die kompetisie ingeskryf.
“Die radiostasie het my gekontak om te sê dat ek eerste plek in hul top 20 bereik het. Hulle het ook gesê vir dié spesifieke week het hulle van die meeste stemme ooit vir die kompetisie ontvang,” sê James.
Hy ontvang nie ’n prys nie, maar hoop dat ’n talentsoeker hom sal raaksien.
James het vantevore country-musiekkonserte saam met ’n plaaslike kunstenaar aangebied en onder meer op Mariental en Omaruru opgetree. Hy het ook al ’n konsert tydens ’n vorige jaar se Mnr. en Mej. HTS aangebied. Van die ander liedjies wat hy opgeneem het en wat op YouTube beskikbaar is, sluit in “Wederschau,” Kurt Darren se “Standing on the Edge” en ’n liedjie vir die Suidwes Tuis Bes Facebookblad.
Hy vermoed hy het sy talent van sy ma geërf, wat ’n horlosieradio met haar sangtalent gewen het. Boonop kan sy oupa enige musiekinstrument bespeel waarop hy sy hande lê. Lesers kan Springbok Internet Radio se webblad (www.springbokinternetradio.co.za) besoek en vir James stem om seker te maak hy bly boaan die lys. Kliek op die “Springbok Top 20”-skakel om na sy liedjie te luister.
Kommentaar
Republikein
Geen kommentaar is op hierdie artikel gelaat nie