Namibiese vermenging laat wêreld dans

Tanja Bause – ’n Herskepping van Selena Gomez se liedjie ‘It Ain’t Me’ deur drie jong Namibiese mans het soos ’n veldbrand op sosiale media versprei. Agter die nuwe weergawe van ‘It Ain’t Me’ (Amapiano Remix) sit Sebastiano !Gobs (17), ook bekend as DJ Abux! van Khorixas, Tuahangana Hangula (21) oftewel Soulking en Innocent Kalola (20) bekend as Innocent Boetie, beide van Oshakati. “Kan jy glo dat ons drie mekaar nog nooit ontmoet het nie? Ons het die vermenging (remix) met talle WhatsApps en e-posse gedoen,” het DJ Abux! in ’n onderhoud gesê. Soulking het met die idee van die vermenging vorendag gekom en vir sy goeie vriend Innocent Boetie vir hulp genader. Boetie het die “log drum” vir die liedjie gemaak en Soulking het die dromme en akkoorde bygevoeg en vir hom teruggestuur. Boetie was op daardie tydstip nie beskikbaar nie en Soulking het die vermenging as ’n status op WhatsApp geplaas.“Ek het dit geluister en onmiddellik vir hom ’n stemgreep gestuur en vir hom gevra om dit vir my te stuur. Ek het my eie ‘touch’ bygesit. Ek het onder meer nog akkoorde en my ‘Hey!’ klank bygevoeg.”Hulle het dié projekkie bloot vir die pret gedoen en nooit verwag dit sou so ontplof nie. “Ons was skepties om die vermenging op YouTube te laai wees kopieregte. ’n Lukrake TikToker, Bokang Titi, het ons vermenging op sy TikTok-bladsy geplaas terwyl hy ’n videospeletjie gespeel het.”Thato Immaculate van Suid-Afrika het ook die weergawe gehoor en sy en haar suster het ’n video gemaak van hulle twee wat op maat van die liedjie dans en dit op haar TikTok geplaas. Dit was op 21 April 2021. Op 27 Mei het sy ’n boodskap gekry wat gevra het dat sy die video asseblief weer moet oplaai wat sy ook gedoen het en teen die volgende dag was die video reeds meer as ’n halfmiljoen keer gekyk en die vermenging het gewild geword. “Die Ndlovu Youth Choir van Suid-Afrika het ’n paar aanpassings op Thato se dansroetine op die lied gemaak en die res is geskiedenis.”Intussen het die vermenging en die gepaardgaande dans ook op Instagram en Twitter versprei. Vandeesmaand het het die hutsmerk #ItAin’tMeChallenge die merk van 17.5 miljoen kyke verbygesteek. “Ek is nie gelap met die aandag nie, ek wil plat op die aarde en nederig bly. Ek sal nie dat die sogenoemde roem na my kop toe gaan nie. Ek hoop dat dit ook nie ons drie sal skei nie en dat ons in die toekoms nog op ander vermengings kan saamwerk,” sê DJ Abux!. – tanja@republikein.com.na

Namibiese vermenging laat wêreld dans

Kommentaar

Republikein 2025-05-14

Meld asseblief aan om kommentaar te lewer

Namibiese vermenging laat wêreld dans

Kommentaar

Republikein 2025-05-14

Meld asseblief aan om kommentaar te lewer

MELD AAN

Advertensie