Namibiese maatskappy betrokke by gesteelde bankkaarte
Grootskaalse bedrog teen kaarthouers
Jacqueline Louw - Die aanklaer-generaal het verlede week ’n eiendomsbewaringsbevel verkry weens vermeende bedrieglike transaksies teen ’n beslote korporasie wat voerytuigbykomstighede verkoop.
Volgens ’n eedverklaring van aanklaer-generaal Martha Imalwa het geld wat gesteel is van verskeie persone wie se bankkaarte gesteel of vermoedelik gekloon is, in die bankrekening van T&H Trading BK (T&H) beland. Regter Collins Parker het verlede week ’n bewaringsbevel teen dié maatskappy se bankrekening kragtens die wet op die voorkoming van georganiseerde misdaad in die hoërhof toegestaan.
Imalwa het in haar aansoek aangevoer dat redelike gronde bestaan om te aanvaar dat die maatskappy se winste deur middel van onwettige bedrywighede, naamlik diefstal, bedrog en geldwassery, verkry is.
Die bewaringsbevel verbied enige transaksies met die geld in T&H se sakerekening.
In haar verklaring sê Imalwa dat die Finansiële Intelligensiesentrum (FIC) die Standard Bankrekening van T&H op 21 Julie bevries het. Die saak is toe aan adjudant-offisier Johan Green van die Namibiese polisie oorhandig wat ’n forensiese ondersoeker van Standard Bank geraadpleeg het.
Volgens die forensiese ondersoeker se verslag het Rest of Africa Card Acquiring Fraud Detections ’n versoek vir die terugbetaling van N$69 587.10 ontvang met betrekking tot ’n kaarttransaksie wat op 23 April by T&H Trading gemaak is met ’n kaart wat deur ’n oorsese bank uitgereik is. Die rede vir die terugbetalingseis was bedrog. Van Nampol is verneem dat die bedrog deur ’n Chinese burger aangemeld is.
Imalwa het verder gesê dat ’n totaal van 97 kaarttransaksies met ’n totaal van N$3 372 142.67 tussen 6 April 2016 tot 30 Junie op T&H se Standard Bankrekening voorkom waarvan 16 suksesvol was. Die waarde van die suksesvolle transaksies was N$492 340.32 en die waarde van onsuksesvolle transaksies N$2 879 802.35. Hierdie transaksies is uit verskeie plaaslike en oorsese bankrekenings gemaak.
Sy het bygevoeg dat die eienaar van T&H, mnr. Herman Thlahelile, die kredietbedrae in kontant onttrek het kort na ontvangs van die kaartbetalings. Sy sê dat Thlahelile deur die forensiese ondersoekspan genader is om die kaarttransaksies te verduidelik. Hy was nie in staat om ’n bevredigende antwoord te verskaf nie, behalwe om te sê dat die kaarthouers Angolese was.
Imalwa het die hof verder ingelig dat ondersoeke aan die lig gebring het dat transaksies van kredietkaarte so ver as die Verenigde State, Brittanje, Duitsland en Nederland nagespeur is. Daar was ook probeer om transaksies aan te gaan met ’n kaart wat in Windhoek by ’n outomatiese tellermasjien gesteel is, maar die kliënt het die kaart betyds gekanselleer. In ’n ander geval het ’n kaarthouer van Swakopmund transaksies gerapporteer wat nie deur hom gemaak is nie terwyl hy in besit van sy kaart was.
Volgens ’n eedverklaring van aanklaer-generaal Martha Imalwa het geld wat gesteel is van verskeie persone wie se bankkaarte gesteel of vermoedelik gekloon is, in die bankrekening van T&H Trading BK (T&H) beland. Regter Collins Parker het verlede week ’n bewaringsbevel teen dié maatskappy se bankrekening kragtens die wet op die voorkoming van georganiseerde misdaad in die hoërhof toegestaan.
Imalwa het in haar aansoek aangevoer dat redelike gronde bestaan om te aanvaar dat die maatskappy se winste deur middel van onwettige bedrywighede, naamlik diefstal, bedrog en geldwassery, verkry is.
Die bewaringsbevel verbied enige transaksies met die geld in T&H se sakerekening.
In haar verklaring sê Imalwa dat die Finansiële Intelligensiesentrum (FIC) die Standard Bankrekening van T&H op 21 Julie bevries het. Die saak is toe aan adjudant-offisier Johan Green van die Namibiese polisie oorhandig wat ’n forensiese ondersoeker van Standard Bank geraadpleeg het.
Volgens die forensiese ondersoeker se verslag het Rest of Africa Card Acquiring Fraud Detections ’n versoek vir die terugbetaling van N$69 587.10 ontvang met betrekking tot ’n kaarttransaksie wat op 23 April by T&H Trading gemaak is met ’n kaart wat deur ’n oorsese bank uitgereik is. Die rede vir die terugbetalingseis was bedrog. Van Nampol is verneem dat die bedrog deur ’n Chinese burger aangemeld is.
Imalwa het verder gesê dat ’n totaal van 97 kaarttransaksies met ’n totaal van N$3 372 142.67 tussen 6 April 2016 tot 30 Junie op T&H se Standard Bankrekening voorkom waarvan 16 suksesvol was. Die waarde van die suksesvolle transaksies was N$492 340.32 en die waarde van onsuksesvolle transaksies N$2 879 802.35. Hierdie transaksies is uit verskeie plaaslike en oorsese bankrekenings gemaak.
Sy het bygevoeg dat die eienaar van T&H, mnr. Herman Thlahelile, die kredietbedrae in kontant onttrek het kort na ontvangs van die kaartbetalings. Sy sê dat Thlahelile deur die forensiese ondersoekspan genader is om die kaarttransaksies te verduidelik. Hy was nie in staat om ’n bevredigende antwoord te verskaf nie, behalwe om te sê dat die kaarthouers Angolese was.
Imalwa het die hof verder ingelig dat ondersoeke aan die lig gebring het dat transaksies van kredietkaarte so ver as die Verenigde State, Brittanje, Duitsland en Nederland nagespeur is. Daar was ook probeer om transaksies aan te gaan met ’n kaart wat in Windhoek by ’n outomatiese tellermasjien gesteel is, maar die kliënt het die kaart betyds gekanselleer. In ’n ander geval het ’n kaarthouer van Swakopmund transaksies gerapporteer wat nie deur hom gemaak is nie terwyl hy in besit van sy kaart was.
Kommentaar
Republikein
Geen kommentaar is op hierdie artikel gelaat nie