Namibia Wildlife Resorts nou digitaal

Die sakewêreld het aansienlik verander sedert die internet in die vroeë 1990’s hoofstroomkommunikasie betree het, sê me. Zelna Hengari, Namibia Wildlife Resorts (NWR) se besturende direkteur, in ’n mediaverklaring. “In die verlede was dit besonder uitdagend om inligting oor besighede te kry. Terselfdertyd het die digitale landskap die afgelope twee dekades verskeie veranderings ondergaan, en ondernemings moes aanpas of agterbly,” sê sy. “Sedert ek by NWR aangesluit het, was daar verskeie veranderings in hoe ons sake doen en in kontak met kliënte bly.” Volgens Hengari het NWR homself vyf jaar gelede in die mark geherposisioneer deur weg te beweeg van die tradisionele manier van kommunikeer en sake doen. Die onderneming se webtuiste is herontwerp met die doel om dit gebruikersvriendeliker te maak en toegang op enige toestel moontlik te maak. Hengari sê omdat meer navrae sedert die opknap van die webtuiste ontvang is, het NWR aanlyn besprekings en betalings bygevoeg sodat kliënte die webtuiste nie hoef te verlaat om besprekings af te handel nie. Volgens Hengari het NWR gemiddeld meer as 20 000 mense wat hul webtuiste besoek en is die meerderheid besoekers van Namibië, Duitsland, Suid-Afrika, Nederland en Frankryk. “Met die bekendstelling van die slimfoon was daar ’n betekenisvolle verandering in kliënte se interaksie met handelsmerke. ’n Studie op IT News Africa het getoon Namibië se aktiewe mobiele breëband-internetgebruikers het tussen Junie 2016 en Junie 2017 van 1,5 miljoen tot 1,6 miljoen mense toegeneem.“Namibië is die Afrikaland met die sewende vinnigste mobiele internet. Die opname toon verder meer as 470 000 mense het via hul selfone toegang tot die internet. “NWR het oor die jare seker gemaak hulle bly tersaaklik. Die organisasie stuur gereeld belangrike kennisgewings aan gebruikers wat meer as drie minute op die program deurbring.”Hengari sê hulle wil hul kliënte ook op hoogte van NWR se spesiale aanbiedinge hou. “Aanvanklik is slegs gedrukte nuusbriewe as kommunikasiekanaal aangewend, wat behoorlike evaluering nie moontlik maak nie. Die organisasie het besluit om Mailchimp te gebruik, wat toegang tot data moonlik maak sodat die onderneming weet met wie hy kommunikeer, en om vas te stel of die kommunikasie van toepassing en nut is,” sê Hengari. Kliënte kry ook die geleentheid om met die onderneming oor navrae en produkinligting te kommunikeer. “NWR se spanne het verder gegaan en programme gevind wat dit moontlik maak om te alle tye op hoogte van projekte te bly. Trello maak dit byvoorbeeld moontlik om te alle tye bewus van vordering of belangrike take te wees.”NWR sê tegnologie kan die gaping tussen kliënte en besighede oorbrug.

Namibia Wildlife Resorts nou digitaal

Kommentaar

Republikein 2026-04-15

Meld asseblief aan om kommentaar te lewer

Namibia Wildlife Resorts nou digitaal

Kommentaar

Republikein 2026-04-15

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.