Namibië vra vir 'inligting as 'n openbare bate'

Die Namibië Mediatrust (NMT) het die resolusie verwelkom wat die regering ter tafel gelê het by die 41ste sitting van die Verenigde Nasies se Onderwys-, Wetenskap- en Kultuurorganisasie (Unesco) se Algemene Konferensie wat tans in Parys, Frankryk aan die gang is.Die resolusie vra vir die bekragtiging van die Windhoek+30-deklarasie oor inligting as 'n openbare bate, en versoek verder die direkteur-generaal van Unesco om te verseker aktiwiteite word ondersteun wat die bereiking van die doelwitte van die deklarasie sal vergemaklik.“Ons moedig ander Unesco-lidlande aan om dié resolusie te ondersteun en sodoende eensgesindheid oor die implementering daarvan te verseker. Dit sal opnuut as bewys dien van die internasionale gemeenskap se erkenning van die sleutelkwessies in die tyd waarin ons leef, waar inligting en kommunikasie só 'n toenemend belangrike rol in demokrasie en volhoubare ontwikkeling speel,” lui 'n mediaverklaring wat op 9 November deur NMT uitgereik is en wat me. Zoé Titus, die direkteur van die trust, onderteken het. Die Windhoek+30-deklarasie is op 3 Mei vanjaar in Namibië aanvaar en is die opvolger van die 1991 Windhoek-deklarasie wat die weg gebaan het vir 'n vry, onafhanklike en pluralistiese media in Afrika. Die deklarasie brei uit op kritieke nuwe en geskiedkundige uitdagings rakende vryheid van spraak – wat gesamentlike globale optrede deur alle belanghebbendes vereis, en vra vir hernude globale verbintenis tot vryheid van spraak, mediavryheid en vryheid van inligting. “Dis belangrik dat dit ook aanbevelings bevat oor die bevordering van deursigtigheid en aanspreeklikheid in internetmaatskappye,” lui die verklaring. “Ons loof ons regering se toewyding tot die bevordering van persvryheid, vryheid van spraak en toegang tot inligting – elemente wat van kritieke belang is vir die bereiking en volhoubaarheid van ons ontwikkelingsdoelwitte. Ons doen dus 'n beroep op ons regering om homself ten volle te verbind – in woord en daad – en sy stem te laat hoor in gevalle waar die vryhede wat ons as 'n land geniet, elders geskend word.“Weer eens bewys Namibië homself as 'n voorloper in die persvryheidsarena, gepas vir die tuiste van die Windhoek-deklarasie.”– republikein@republikein.com.naFOTOUnesco se Algemene Konferensie is tans in Parys, Frankryk, aan die gang. Foto Facebook

Namibië vra vir 'inligting as 'n openbare bate'

Kommentaar

Republikein 2026-05-05

Meld asseblief aan om kommentaar te lewer

Namibië vra vir 'inligting as 'n openbare bate'

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.