Namibië Toerisme Ekspo om die draai

Die minister van die omgewing, bosbou en toerisme, mnr. Pohamba Shifeta (regs), het gister die Namibië Toerisme Ekspo 2020 amptelik bekend gestel. Die ekspo word deur Namibia Media Holdings (NMH) by SKW in die hoofstad aangebied en vind vanaf 4 tot 7 November plaas. Volgens die uitvoerende hoof van NMH, mnr. Albe Botha (tweede van regs), is die veiligheid van besoekers 'n belangrike aspek, en daarom word kaartjieverkope net digitaal verwerk en word die uitstallings in verskillende sones verdeel. Bekende Namibiese en Suid-Afrikaanse sjefs, komediante en kunstenaars soos Master KG van die treffer "Jerusalema" is op die vermaaklys. Links is die skakelbeampte van NMH, me. Maggy Mbako, en die besturende direkteur van die Namibië Toerismeraad (NTB), mnr. Digu //Naobeb (tweede van links). Foto Claudia Reiter