Namibië takel mensehandel
Maria Eiseb - Die Nasionale Raad (NR) het die wetsontwerp op die voorkoming van mensehandel kort voor Kersfees goedgekeur.
Dit ná me. Margaret Mensah-Williams, voorsitter van die Nasionale Raad, verlede Maandag mond uitgespoel het oor Namibië se onvermoë om die probleem te takel.
Namibiese polisie, immigrasiebeamptes en die land se regstelsel is nie opgelei in die stryd teen mensehandel nie, het sy gesê.
As gevolg hiervan word gevalle van mensehandel nie gerapporteer nie en sal dit bly voortduur.
“Niemand in Namibië is opgelei oor mensehandel nie,” het Mensah-Williams gesê.
Dít tydens die opening van die dringende sessie verlede week om die wetsontwerp op stedelike en landelike ontwikkeling, die wetsontwerp op die voorkoming van mensehandel en die wysigingswetsontwerp op onderwys te hersien.
Mensah-Williams het gesê mensehandel is 'n ernstige misdaad waaraan dringend aandag geskenk moet word.
“Ons land dien as bestemming vir en uitvoerder van mensehandel-slagoffers, en dit moet dringend aangespreek word,” het sy gesê.
Sy het veral klem gelê op die voorgestelde straf vir oortreders in hierdie verband, en het parlementslede aangemoedig om die wetsontwerp as 'n dringende saak te ag ter wille van beide landsburgers en buitelanders se veiligheid.
“Gevalle word dikwels nie aangemeld nie en in die meeste gevalle is sindikate in die land werksaam,” het sy gesê.
“Die wetsontwerp het 'n paar tekortkominge en dis ons verantwoordelikheid om te verseker dit word gewysig.
“Die voorgestelde strawwe in die huidige wetsontwerp is te lig.
“Ek dink nie 'n boete moet 'n strafopsie vir mensehandel wees nie.
“As jy 'n bok steel, gaan jy tronk toe, hoekom moet mense wat ander martel en mishandel bloot beboet word?” het sy gevra.
Mensah-Williams het gesê dit is feitlik onmoontlik om mense wat in die buiteland gaan werk, op te spoor.
Hulle doen aansoek vir werk en word later slagoffers van onder meer seksuele misbruik en straatmisdade.
Hulle word dan bedelaars of word in onder meer skoonheidsalonne en restaurante misbruik.
“Dit is tyd om 'n einde aan hierdie skande te maak.
“Die wetsonderwerp sal die regering teen mensehandel toerus.
“Dit sal ook as afskrikmiddel vir oortreders dien en burgers meer bewus van die probleem maak,” het Mensah-Williams gesê.
Sy het verder verklaar dit is Namibië se plig om die boosheid van mensehandel by die Verenigde Nasies se Konvensie teen Transnasionale Georganiseerde Misdaad aan te spreek.
“Leiers moet die gemeenskap bewus maak van mensehandel en verantwoordelikheid vir opleiding neem,” het Mensah-Williams gesê.
Dit ná me. Margaret Mensah-Williams, voorsitter van die Nasionale Raad, verlede Maandag mond uitgespoel het oor Namibië se onvermoë om die probleem te takel.
Namibiese polisie, immigrasiebeamptes en die land se regstelsel is nie opgelei in die stryd teen mensehandel nie, het sy gesê.
As gevolg hiervan word gevalle van mensehandel nie gerapporteer nie en sal dit bly voortduur.
“Niemand in Namibië is opgelei oor mensehandel nie,” het Mensah-Williams gesê.
Dít tydens die opening van die dringende sessie verlede week om die wetsontwerp op stedelike en landelike ontwikkeling, die wetsontwerp op die voorkoming van mensehandel en die wysigingswetsontwerp op onderwys te hersien.
Mensah-Williams het gesê mensehandel is 'n ernstige misdaad waaraan dringend aandag geskenk moet word.
“Ons land dien as bestemming vir en uitvoerder van mensehandel-slagoffers, en dit moet dringend aangespreek word,” het sy gesê.
Sy het veral klem gelê op die voorgestelde straf vir oortreders in hierdie verband, en het parlementslede aangemoedig om die wetsontwerp as 'n dringende saak te ag ter wille van beide landsburgers en buitelanders se veiligheid.
“Gevalle word dikwels nie aangemeld nie en in die meeste gevalle is sindikate in die land werksaam,” het sy gesê.
“Die wetsontwerp het 'n paar tekortkominge en dis ons verantwoordelikheid om te verseker dit word gewysig.
“Die voorgestelde strawwe in die huidige wetsontwerp is te lig.
“Ek dink nie 'n boete moet 'n strafopsie vir mensehandel wees nie.
“As jy 'n bok steel, gaan jy tronk toe, hoekom moet mense wat ander martel en mishandel bloot beboet word?” het sy gevra.
Mensah-Williams het gesê dit is feitlik onmoontlik om mense wat in die buiteland gaan werk, op te spoor.
Hulle doen aansoek vir werk en word later slagoffers van onder meer seksuele misbruik en straatmisdade.
Hulle word dan bedelaars of word in onder meer skoonheidsalonne en restaurante misbruik.
“Dit is tyd om 'n einde aan hierdie skande te maak.
“Die wetsonderwerp sal die regering teen mensehandel toerus.
“Dit sal ook as afskrikmiddel vir oortreders dien en burgers meer bewus van die probleem maak,” het Mensah-Williams gesê.
Sy het verder verklaar dit is Namibië se plig om die boosheid van mensehandel by die Verenigde Nasies se Konvensie teen Transnasionale Georganiseerde Misdaad aan te spreek.
“Leiers moet die gemeenskap bewus maak van mensehandel en verantwoordelikheid vir opleiding neem,” het Mensah-Williams gesê.
Kommentaar
Republikein
Geen kommentaar is op hierdie artikel gelaat nie