Namibië sal besluit oor molnupiravir

Henriette Lamprecht – Die ministerie van gesondheid en maatskaplike dienste volg alle nuwe ontwikkelinge ten opsigte van Covid-19 met groot belangstelling. Tog maan die ministerie by monde van die minister, dr. Kalumbi Shangula, die ministerie doen ook sy eie ondersoeke met omsigtigheid en volg geen neiging blindelings nie. Shangula het gereageer op ’n vraag of Namibië ook die gebruik van die Covid-19 antivirale pil, molnupiravir, ondersoek vir behandeling teen die siekte.Brittanje het Donderdag die eerste land ter wêreld geword wat die medikasie vir gebruik so gou as moontlik goedgekeur het. Dit is ook deur die Wêreldgesondheidsorganisasie (WHO) vir gebruik goedgekeur.Dit moet geneem word ná ’n positiewe uitslag en binne vyf dae wat simptome ervaar is. Dit is die eerste mondelingse medikasie teen Covid-19 wat goedgekeur word, met Amerika wat ook hoop om dit binne die volgende paar weke goed te keur. Op plaaslike bodem, sê Shangula wanneer die ministerie oortuig is van voordele en beskikbaarheid op ’n voortgesette basis, kan ’n ingeligte besluit geneem word.“Tot op hede is so ’n gevolgtrekking nog nie bereik nie, dit is ’n voortgesette proses,” het hy gesê.Molnupiravir is gesamentlik deur die Amerikaans-gebaseerde Merck & Co Inc (MRK.N) en Ridgeback Biotherapeutics ontwikkel. Brittanje se reguleringsagentskap vir medisyne en gesondheidsorgprodukte (MHRA) stel die medikasie voor vir gebruik by mense met matige Covid-19-simptome en met ten minste een risikofaktor om ernstige simptome te ontwikkel. Die risikofaktore sluit vetsug en diabetes by bejaardes en hartsiektes in. Raadgewers in Amerika ontmoet einde vandeesmaand om data oor die middel se veiligheid en doeltreffendheid te evalueer in ’n besluit om dit goed te keur al dan nie. Die pil wat as Lagevrio in Brittanje bekend sal staan, is ontwerp om foute te veroorsaak in die genetiese kode van die coronavirus wat Covid-19 veroorsaak. Dit word twee maal per dag vir vyf dae geneem. Medikasie in dieselfde klas as molnupiravir is volgens mediese joernale met geboorte-afwykings in studies van diere verbind. Merck, bekend as MSD buite Amerika en Kanada, sê toetse op diere het gewys molnupiravir is veilig, maar data is nog nie openbaar gemaak nie. Ander opsies vir die behandeling van Covid-19 en wat ook in Namibië deel van die behandelingsprotokol in staat- en private hospitale vorm, is remdesivir en deksametasoon wat oor die algemeen net gegee word aan pasiënte wat in die hospitaal is. Data vir die gebruik van molnupiravir het getoon dit halveer die kanse om te sterf of om in die hospitaal opgeneem te word vir dié wat die hoogste risiko het om baie ernstige simptome te ontwikkel wanneer dit vroeg in die siekte gegee word. Merck het in ’n verklaring gesê dit gaan na verwagting 10 miljoen kursusse van die behandeling teen die einde van die jaar vervaardig. Vir aanstaande jaar beplan die maatskappy om ten minste 20 miljoen kursusse te vervaardig.Virale volgordebepaling wat tot dusver gedoen is, het getoon molnupiravir is doeltreffend teen alle variante van die virus, het Merck gesê. Dit sluit in die hoogs aansteeklike Delta-variant wat grootliks vir Namibië se verwoestende derde golf verantwoordelik was. Wêreldwyd het dié variant vir ’n groot toename in hospitalisasie en ook sterftes gesorg. Dit is nog nie duidelik wanneer Merck die dosisse aan Brittanje vir verspreiding sal lewer nie. Die maatskappy sê egter dit bly verbind daartoe om betyds toegang wêreldwyd tot die medikasie te verseker. Planne is ook in plek vir verskillende pryse in lyn met ’n land se vermoë om vir die medikasie te betaal. Merck het die lisensie vir die middel ook aan vervaardigers van generiese middels uitgereik vir verskaffing aan lae-inkomstelande. Bykomende bronne: Reuters/BBC – henriette@republikein.com.naFOTODie anti-virale pil molmupiravir, wat vir die behandeling van Covid-19 goedgekeur is. FOTO NAMPA/REUTERS

Namibië sal besluit oor molnupiravir

Kommentaar

Republikein 2025-12-26

Meld asseblief aan om kommentaar te lewer

Namibië sal besluit oor molnupiravir

Kommentaar

Republikein 2025-12-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.