Namibië nou ook deel van Trusted Travel-stelsel

Die Trusted Travel (TT)-stelsel wat deur die Afrika Unie Kommissie (AUC) in samewerking met die Afrika Sentrums vir Siektebeheer (CDC) in lidlande van die Afrika Unie van stapel gestuur is om onder meer die huidige verifiëringstelsels en -toetse vir Covid-19 te verbeter, is vanaf 15 November ook in Namibië beskikbaar. Die platform sal vanaf dan by onder meer die Walvisbaaise internasionale lughawe, die Inernasionale Lughawe Hosea Kutako en die Katima Mulilo-, Ariamsvlei-, Noordoewer-, Trans-Kalahari- en Oshikango-grensposte beskikbaar wees. Vanaf 1 Desember sal net Covid-19-sertifikate wat deur dié platform verkry of geverifieer is op die Global Haven-stelsels by bogenoemde grensposte aanvaar word.