Namibië lees te min

Maria Eiseb – Namibië se kinders lees te min. Dít volgens plaaslike navorsing.Die Read Namibia-veldtog is onlangs in die hoofstad deur onder andere biblioteekpersoneel, onderwysers, ondernemings, diplomate, skrywers en universiteite in die hoofstad van stapel gestuur. By die geleentheid is aangekondig September moet voortaan bekend staan as leesmaand in Namibië. Mnr. Steve Kaangundue, adjunkdirekteur van die sentrum vir voortgesette onderrig, het tydens die byeenkoms gesê die veldtog beoog om leerlinge in die gemeenskap te ondersteun en op te lei sodat hulle meer kan lees.“Boeke bring kennis. Dit is ouers, onderwysers, biblioteekpersoneel en almal in die gemeenskap se verantwoordelikheid om leesgeleenthede vir kinders te skep,” het hy gesê. Mnr. Elia Manga, waarnemende direkteur van Namibiese Biblioteekargiefdienste, het gesê Namibiërs moet meer lees.“Biblioteke moet plekke van opvoeding, ontdekking en avontuur wees,” het hy gesê.Volgens statistieke het die ministerie ontdek 61,8% van leerlinge in Namibië het nie handboeke om tuis uit te leer nie, en slegs 23,5% het toegang tot storieboeke en ander leesstof. Sowat 80,3% het aangetoon lees is nie een van hul buitemuurse aktiwiteite nie. Volgens die ministerie beoog die Read Namibia-veldtog, wat van 2015 tot 2022 sal duur, om die leesuitdagings aan te spreek waaronder die samelewing gebuk gaan.“Dit is ons verantwoordelikheid om kinders aan te moedig om meer te lees. Enigiets wat hulle lees, sal hulle bietjie vir bietjie bemagtig.”Manga het gesê hy hoop ons kan ons kinders ’n wêreld bied waarin hulle meer lees en waarin daar meer aan hulle voorgelees word.

Namibië lees te min

Kommentaar

Republikein 2026-07-29

Meld asseblief aan om kommentaar te lewer

Namibië lees te min

Kommentaar

Republikein 2026-07-29

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.