Namibië het nou 23 bevestigde Covid-19-gevalle
Namibië se jongste bevestigde geval van Covid-19 (nr. 23) is 'n 38-jarige Namibiese vrou wat op 23 Mei vanaf Dar es Salaam, Tanzanië na Namibië gereis het. Volgens die minister van gesondheid en maatskaplike dienste (MoHSS), dr. Kalumbi Shangula, was sy laas op 9 Maart vir drie dae in Namibië. Sy is nooit in Tanzanië getoets nie, maar was sedert sy simptome begin ervaar het, in self-isolasie. Volgens Shangula was die vrou sedert haar terugkeer in kwarantyn en is sy intussen na isolasiegeriewe oorgeplaas. Tot op hede is 3 412 weefselmonsters getoets en word 370 kontakte opgevolg. Tans is 500 mense onder kwarantyn in Namibië.
Kommentaar
Republikein
Geen kommentaar is op hierdie artikel gelaat nie