Namibië: Geen gevalle tot dusver van 'demoon-dwelm'

Francoise SteynbergDie Namibiese polisie het bevestig geen gevalle van 'n vreemde dwelmmiddel wat tientalle jongmense en tieners in Pretoria in Suid-Afrika verlede week in die hospitaal laat beland het, kom tot dusver in Namibië voor nie. Die betrokke dwelmmiddel staan bekend as Herbal Blend, Puff, Blaze en Crazy Coconut, en word in klein pakkies verkoop.“Geen gevalle van hierdie dwelm het tot dusver in Namibië voorgekom nie,” het 'n woordvoerder van die Namibiese polisie, hoofinsp. Kauna Shikwambi, Vrydag aan Republikein bevestig.“Tog is dit nie gewaarborg dat dit nie in Namibië beskikbaar is of wel hier sal land nie. Ouers moet waaksaam en oplettend wees wat hul kinders gebruik,” het sy gesê.Die polisie waarsku opnuut: “Dwelms kan jou doodsvonnis wees.”Republikein het verneem Blaze is wel by sekere winkels te koop. Ondersoek is Vrydag na vyf drank- en tabakwinkels en kafees in Windhoek ingestel waar produkte vir hubbly bubbly-waterpype gekoop kan word, maar dit was nie op die winkelrakke te vinde nie. 'n Verkoopsman by 'n drankwinkel het wel van Blaze geweet. Dié dwelm kom hoofsaaklik in twee verpakkings voor. Op een word duidelik aangedui die produk is 'n geurmiddel wat nie vir menslike gebruik geskik is nie. Dit kom ook voor in verpakking waarop niks geskryf staan nie.Volgens 'n Suid-Afrikaanse polisiebron is sintetiese dagga en onbekende chemikalieë met die geurmiddel gemeng. Dit was glo die chemikalieë wat mense siek gemaak het.Ambulansdienste in Pretoria moes verlede week talle kinders in Pretoria-Noord en -Wes, asook Pretoria Tuine en Daspoort te hulp snel.Volgens mediese personeel en video's op sosiale media wissel die simptome wanneer die dwelm gerook word van lomerigheid tot psigose, naarheid en braking, asook stuipe en hiperaktiwiteit.– Bykomende bron, Netwerk24

Namibië: Geen gevalle tot dusver van 'demoon-dwelm'

Kommentaar

Republikein 2025-10-29

Meld asseblief aan om kommentaar te lewer

Namibië: Geen gevalle tot dusver van 'demoon-dwelm'

Kommentaar

Republikein 2025-10-29

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.