Namibië, Botswana moet sê oor oliesoektog

Ronelle Rademeyer – Die Verenigde Nasies se organisasie vir onderwys, wetenskap en kultuur (Unesco) is bekommerd oor die impak wat die soektog na olie op die Okavango-delta het.Die delta-gebied is in 2014 tot wêrelderfenisgebied verklaar.Namibië en Botswana moet in die lig van ReconAfrica se olie-eksplorasie teen 1 Februarie aanstaande jaar ’n opgedateerde omgewingsverslag oor die impak van dié projek op die bewaring van die Okavango-delta as ’n wêrelderfenisgebied voorlê.Unesco het Vrydag gesê die twee buurlande moet die verslag aan die Wêrelderfenisentrum voorlê vir bespreking tydens die Wêrelderfeniskomitee se 45ste sitting in 2022.Unesco sê verder hy is bekommerd daaroor dat die betrokke regerings lisensies vir olie-eksplorasie in dié omgewingsensitiewe gebiede in die noordweste van Botswana en die noordooste van Namibië aan ReconAfrica toegeken het. Hy sê die omgewingsimpak van dié Kanadese olie- en gasmaatskappy se omstrede olie-ontginningsplanne moet volgens internasionale bewaringsriglyne vir natuurerfenisgebiede bepaal word.Unesco sê eksplorasiewerk kan ’n negatiewe impak op hierdie wêrelderfenisgebied hê weens afvalstortings of besoedeling.In sy genotuleerde besluit sê Unesco hy dring daarop aan Botswana en Namibië moet seker maak verdere stappe om die olieprojek te ontwikkel, soos die gebruik van nuwe eksplorasietegnieke, word aan streng en kritiese voorafgaande hersiening onderwerp.Dit moet geskied deur middel van ’n omgewingsimpakstudie (EIA) wat ooreenstem met internasionale standaarde. Dit beteken dit moet die sosio-maatskaplike impakte sowel as ’n hersiening van die potensiële nadelinge omgewingsimpakte op die delta as wêreldeiendom, insluit.Unesco wys daarop die twee lande moet toesien die EIA word in ooreenstemming met die Internasionale Unie vir die Bewaring van die Natuur (IUCN) se riglyne vir wêrelderfenisgebiede gedoen. – ronelle@republikein.com.naFOTODie boortoerusting wat ReconAfrica gebruik. Foto Argief

Namibië, Botswana moet sê oor oliesoektog

Kommentaar

Republikein 2025-12-18

Meld asseblief aan om kommentaar te lewer

Namibië, Botswana moet sê oor oliesoektog

Kommentaar

Republikein 2025-12-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.