Namdock se behuisingsplan stol eers
Die maatskappy verduidelik die tydelike beëindiging van ’n multimiljoen behuisingsprojek waarvan 82 van sy werkers begunstigstes was.
Die bestuur van Namdock, die Walvisbaaise maatskappy wat skepe herstel, sê hulle wil ’n beter toekoms vir beide hul werkers en die gemeenskap van die hawedorp bied deur die voorsiening van bekostigbare behuising. Om dié rede het die maatskappy in April 2014 tien hektaar onontwikkelde grond in die woonbuurt Tutaleni gekoop.
Namdock wou tot die groei en opgradering van die woonbuurt bydra deur die opgemete grond vir werkers se behuising te skenk in ’n strewe om die veiligheid en lewensgehalte van hul werkers en die gemeenskap in geheel te verbeter.
In 2019 het Namdock se interne behuisingskomitee ’n tender vir die diens en konstruksie van 82 huise (uit 214 erwe in die behuisingskema) aan Bay Construction, ’n Namibiese maatskappy, toegestaan.
As die hoofborg is op Namdock se onkoste ’n onafhanklike werkerstrust op die been gebring en die geskenkte grond is aan die trust oorgedra. Dit is gedoen sodat die grond en die beplande konstruksie van die huise onafhanklik deur die trustees geadministreer en bestuur kan word.
KONTRAK GEKANSELLEER
Volgens die bestuur is die diens van die grond en die konstruksie van die 82 huise deur die trust gekanselleer. Dit volg omdat die kontrakteur glo nie die ooreenkoms nagekom het met opsig van die projek se sperdatum van 1 Julie 2020 nie.
Bay Construction het die projek en die land verlaat.
“Terwyl ons geskok en teleurgesteld is met wat gebeur het, wil ons net op rekord plaas dat die belange van ons werkers as begunstigdes van die projek in ag geneem word,” het me. Heritha Nankole Muyoba, waarnemende besturende direkteur van Namdock, gesê.
Sy het bygevoeg dat geen geld deur die trust aan Bay Construction oorbetaal is voor die kansellasie van hul kontrak nie.
“Ons moedig die trust aan om so gou moontlik ’n ander Namibiese maatskappy aan te stel. Ongetwyfeld sal die regte Namibiese kontrakteur met die ooreenstemmende betroubare rekord en tegniese vaardighede ’n sukses van hierdie projek maak, wat tans noodsaaklik is, gegewe die negatiewe gevolge van die Covid-19-pandemie op die plaaslike ekonomie,” het Nankole Muyoba gesê.
Sy sê vir die volhoubaarheid van die land se ekonomie en ook vir landsburgers is dit noodsaaklik dat Namibiese maatskappye mekaar ondersteun.
“Ons sal noukeurig van die kantlyn af dophou en die onafhanklikheid van die trust respekteer, maar met die vertroue dat hulle ’n positiewe uitkoms in hierdie ongelukkige situasie sal verseker.
“Uiteindelik is dit die belange van die begunstigdes – die werknemers van Namdock en hul gesinne – wat ons na aan die hart lê,” het Nankole Muyoba afgesluit.
Namdock wou tot die groei en opgradering van die woonbuurt bydra deur die opgemete grond vir werkers se behuising te skenk in ’n strewe om die veiligheid en lewensgehalte van hul werkers en die gemeenskap in geheel te verbeter.
In 2019 het Namdock se interne behuisingskomitee ’n tender vir die diens en konstruksie van 82 huise (uit 214 erwe in die behuisingskema) aan Bay Construction, ’n Namibiese maatskappy, toegestaan.
As die hoofborg is op Namdock se onkoste ’n onafhanklike werkerstrust op die been gebring en die geskenkte grond is aan die trust oorgedra. Dit is gedoen sodat die grond en die beplande konstruksie van die huise onafhanklik deur die trustees geadministreer en bestuur kan word.
KONTRAK GEKANSELLEER
Volgens die bestuur is die diens van die grond en die konstruksie van die 82 huise deur die trust gekanselleer. Dit volg omdat die kontrakteur glo nie die ooreenkoms nagekom het met opsig van die projek se sperdatum van 1 Julie 2020 nie.
Bay Construction het die projek en die land verlaat.
“Terwyl ons geskok en teleurgesteld is met wat gebeur het, wil ons net op rekord plaas dat die belange van ons werkers as begunstigdes van die projek in ag geneem word,” het me. Heritha Nankole Muyoba, waarnemende besturende direkteur van Namdock, gesê.
Sy het bygevoeg dat geen geld deur die trust aan Bay Construction oorbetaal is voor die kansellasie van hul kontrak nie.
“Ons moedig die trust aan om so gou moontlik ’n ander Namibiese maatskappy aan te stel. Ongetwyfeld sal die regte Namibiese kontrakteur met die ooreenstemmende betroubare rekord en tegniese vaardighede ’n sukses van hierdie projek maak, wat tans noodsaaklik is, gegewe die negatiewe gevolge van die Covid-19-pandemie op die plaaslike ekonomie,” het Nankole Muyoba gesê.
Sy sê vir die volhoubaarheid van die land se ekonomie en ook vir landsburgers is dit noodsaaklik dat Namibiese maatskappye mekaar ondersteun.
“Ons sal noukeurig van die kantlyn af dophou en die onafhanklikheid van die trust respekteer, maar met die vertroue dat hulle ’n positiewe uitkoms in hierdie ongelukkige situasie sal verseker.
“Uiteindelik is dit die belange van die begunstigdes – die werknemers van Namdock en hul gesinne – wat ons na aan die hart lê,” het Nankole Muyoba afgesluit.
Kommentaar
Republikein
Geen kommentaar is op hierdie artikel gelaat nie