Namdia is glo nie soustrein

Catherine Sasman - Die minister van myne en energie, mnr. Obeth Kandjoze, sê met die vorming van die staatsinstelling Namib Desert Diamonds (Namdia) is die land vir die eerste keer in staat om direk en uitsluitlik aan die handel van sy diamante deel te neem en om self ‘n teenwoordigheid in die wêreldmark te skep.“Die vorming van Namdia is die resultaat van uitgerekte onderhandelinge met die vasberadenheid om die mandaat van die regering se toegewydheid om ‘n platform te skep waardeur dit pryse vir ons ongeslypte diamante in die internasionale mark kan kry, uit te voer,” het Kandjoze gesê.Hy het benadruk dat dit nie ‘n platform vir selfverryking van tussengangers of bestaande kopers van Namibiese diamante deur De Beers se lisensiehouers is nie. Hy het bygevoeg Namdia is ‘n soewereine entiteit wat gebruik word om diamante te bemark en te verkoop. Kandjoze het ontken dat Namdia skynbaar gevorm is as ‘n platform vir polities-welgeplaaste begunstigdes van swart ekonomiese bemagtiging (BEE) om die land se diamante te verkoop. Hy het ook ontken dat Namdia gestig is om die land se diamante aan welgeplaaste persone te verkoop om die elite te begunstig.Sy ministerie het verlede Vrydag ‘n nuuskonferensie gehad om vure dood te slaan ná beriggewing dat dit in die geheim ‘n ooreenkoms met die maatskappy C-Sixty Investments aangegaan het om diamante van Namdia te evalueer en daardeur tussen N$600 miljoen en N$1,5 miljard in die volgende vyf jaar te maak.C-Sixty Investments behoort aan mnre. John Walenga en Tironenn Kauluma. Kauluma is ‘n neef van Swapo se sekretaris vir inligting, mnr. Helmuth Angula.Die voorsitter van Namdia se raad, adv. Shakespeare Masiza, wou vroeër geen kommentaar lewer oor hoe die kontrak met C-Sixty Investments beklink is nie. Hy het slegs gesê dit was nie Namdia wat die kontrak gesluit het nie, maar wel die ministerie van myne. Kandjoze wou Vrydag nie op vrae uitbrei nie. Hy het egter gesê C-Sixty Investments se kernbesigheid is slegs om die land se diamantsektor te “dien”. Hy het gesê C-Sixty Investments bied konsultasie en raadgewing in die beoordeling en waardasie van die land se diamante. Hy het bygevoeg dat C-Sixty Investments eksklusiewe regte oor alle produkte van Sarine Technologies het wat handelaars van ongeslypte diamante soos Namdia in staat te stel om vinnig en outomaties die waarde van ongeslypte diamante te inspekteer en te evalueer. ‘n Navorser oor handel en beleggings, mnr. Rodney Dan-Ao !Hoaeb, het op sosiale media gesê Kandjoze het ingevolge Artikel 45 van die Wet op Diamante geen reg om C-Sixty daarvoor te kontrakteer nie.Onder andere bepaal Artikel 45 dat die markwaarde van enige ongeslypte diamante deur die minister op skrif bepaal moet word met inagneming van die waarde waarop die verkoper en die koper ooreenkom. Die Windhoek Observer het intussen berig dat die ooreenkoms met C-Sixty Investments herroep is en dat die kontrak weer geadverteer sou word. NAMDIA EN DE BEERS SE OOREENKOMSDie nuwe ooreenkoms tussen die Namibiese regering en De Beers vir die sortering, waardasie en bemarking van diamante is op 16 Mei onderteken ná drie jare se onderhandeling en nadat die ou ooreenkoms met die Namibia Diamond Trading Company (NDTC) in 2013 verstrek het.Die nuwe ooreenkoms maak voorsiening vir ‘n “venster op die internasionale diamantmark” wat die regering sal “inlig” oor hoeveel die internasionale mark bereid is om vir Namibiese diamante te betaal, het Kandjoze verduidelik.Hy het gesê Namdia ontvang nou 15%-aankoopregte van NDTC vir alle diamante wat deur Namdeb geproduseer word. Kandjoze sê die 15%-aankoopreg was doelbewus geoormerk vir verkope buite die tradisionele stelsel waar lisensiehouers diamante van NDTC koop wat op De Beers se prysindeks gebaseer is. Hy het gesê dit moet egter nie verwar word met die toename in plaaslike verskaffing van diamante wat NDTC vir lisensiehouers beskikbaar stel nie. Lisensiehouers is die plaaslike maatskappye wat diamante sny en poleer. Vir hulle is die verskaffing van diamante verhoog van US$230 miljoen tot US$430 miljoen (of N$6,2 miljard), óf N$62 miljard oor die termyn van die kontrak. Voorheen is 10% van die diamante wat ekonomies gesny en poleer kan word vir plaaslike toevoeging verskaf.Kandjoze sê as gevolg van die ooreenkoms tussen De Beers en Namdia kon twee fabrieke, Julius Klein Diamonds en Laurelton Diamonds, weer hul deure oopmaak.NDTC sal steeds meer as een miljoen karaat per jaar sorteer en waardeer. DIAMANTE NIE VIR ‘N APPEL EN ’N EI VERKOOP NIEKandjoze het ontken dat Namibiese diamante vir ‘n appel en ’n ei aan Dubai verkoop is. Hy het ook ontken dat diamanthandelaktiwiteite buite die land plaasvind.

Namdia is glo nie soustrein

Kommentaar

Republikein 2025-11-05

Meld asseblief aan om kommentaar te lewer

Namdia is glo nie soustrein

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.