Namcor se Mulunga onder vergrootglas
'n "Volledige en deeglike" ondersoek moet gedoen word terwyl die besturende direkteur met verlof is.
Catherine Sasman – Die direksie van die Nasionale Petroleumkorporasie van Namibië (Namcor) het die ouditeursfirma Deloitte opdrag gegee om 'n volledige forensiese ondersoek na mnr. Immanuel Mulunga, Namcor se besturende direkteur, se beweerde wangedrag te doen.
Die ondersoek het gister ná ’n direksievergadering begin.
Dit was ook die begin van Mulunga se jaarlikse verlof. Die ondersoek sal gedoen word terwyl hy tot 20 Januarie 2018 met verlof is.
Mnr. Patrick Kauta, voorsitter van die raad, het gesê indien die ondersoek nie afgehandel is wanneer Mulunga terugkeer werk toe nie, sal die direksie weer vergader en oor die pad vorentoe besluit.
“Die raad sal egter teen 12 Januarie weet of nog tyd vir die ondersoek benodig word,” het Kauta gesê.
Mulunga word ondersoek weens die beweerde twyfelagtige aanstellings van ses tydelike personeellede.
Nog 'n saak wat ondersoek word, is die toekenning van 'n tender aan 'n Maleisiese maatskappy, Hyrax Oil, vir die verskaffing van smeermiddels aan die semistaatsorganisasie.
Mnr. Bonni Kandjoze, Namcor se uitvoerende beampte van inligting en kommunikasietegnologie, sal ook ondersoek word omdat hy Mulunga na Maleisië vergesel het - 'n reis wat deur Hyrax Oil geborg is.
Die Namibiese agent van die maatskappy, mnr. Alex Wayne, is boonop na bewering ’n vriend van Mulunga.
Kauta het tydens die dringende direksievergadering verduidelik vier van die tydelike personeellede se kontrakte verval aan die einde van die maand.
Hy het gesê die direksie het die menslike hulpbronnedepartement aangesê om die aanstelling van ses mense wie se indiensnemingskontrakte beëindig is ingevolge 'n besluit van 'n direksievergadering op 27 November, te oudit.
Kauta het gesê die direksie is bewus daarvan dat van die betrokke werknemers van voorneme is om regstappe weens hul ontslag te doen.
Hy het ook gesê die direksie het nie mnr. Leon Jooste, die minister van staatsondernemings, of mnr. Obeth Kandjoze, die minister van myne en energie, se toestemming verkry om Mulunga te skors nie.
Die direksie het die ministers slegs "geraadpleeg" soos vereis deur die maatskappy se riglyne.
"Die ondersoek beteken nie die bewerings is waar nie. Die ondersoek is slegs om te bepaal of dit waar is. Ons wil 'n volledige en deeglike ondersoek doen,” het Kauta uitdruklik gesê.
Hy het gesê Mulunga is bewus van die ondersoek.
"Dit is nie 'n onwettige ondersoek nie," het hy bygevoeg.
Die direksievergadering het ook Mulunga se besluit herroep om die bestuurder van die handelseenheid, mnr. Kosmos Damaseb, te skors.
Mulunga het Damaseb geskors omdat hy opdragte na bewering nie uitgevoer het om 'n projek by die Tsandi-diensstasie te voltooi nie.
Namcor sou die kleinhandelmark met behulp van dié projek kon binnedring met Teya Investment.
Me. Damcor Muruko, Namcor se uitvoerende hoof van korporatiewe bestuur, sal as besturende direkteur optree terwyl Mulunga met verlof is.
Die ondersoek het gister ná ’n direksievergadering begin.
Dit was ook die begin van Mulunga se jaarlikse verlof. Die ondersoek sal gedoen word terwyl hy tot 20 Januarie 2018 met verlof is.
Mnr. Patrick Kauta, voorsitter van die raad, het gesê indien die ondersoek nie afgehandel is wanneer Mulunga terugkeer werk toe nie, sal die direksie weer vergader en oor die pad vorentoe besluit.
“Die raad sal egter teen 12 Januarie weet of nog tyd vir die ondersoek benodig word,” het Kauta gesê.
Mulunga word ondersoek weens die beweerde twyfelagtige aanstellings van ses tydelike personeellede.
Nog 'n saak wat ondersoek word, is die toekenning van 'n tender aan 'n Maleisiese maatskappy, Hyrax Oil, vir die verskaffing van smeermiddels aan die semistaatsorganisasie.
Mnr. Bonni Kandjoze, Namcor se uitvoerende beampte van inligting en kommunikasietegnologie, sal ook ondersoek word omdat hy Mulunga na Maleisië vergesel het - 'n reis wat deur Hyrax Oil geborg is.
Die Namibiese agent van die maatskappy, mnr. Alex Wayne, is boonop na bewering ’n vriend van Mulunga.
Kauta het tydens die dringende direksievergadering verduidelik vier van die tydelike personeellede se kontrakte verval aan die einde van die maand.
Hy het gesê die direksie het die menslike hulpbronnedepartement aangesê om die aanstelling van ses mense wie se indiensnemingskontrakte beëindig is ingevolge 'n besluit van 'n direksievergadering op 27 November, te oudit.
Kauta het gesê die direksie is bewus daarvan dat van die betrokke werknemers van voorneme is om regstappe weens hul ontslag te doen.
Hy het ook gesê die direksie het nie mnr. Leon Jooste, die minister van staatsondernemings, of mnr. Obeth Kandjoze, die minister van myne en energie, se toestemming verkry om Mulunga te skors nie.
Die direksie het die ministers slegs "geraadpleeg" soos vereis deur die maatskappy se riglyne.
"Die ondersoek beteken nie die bewerings is waar nie. Die ondersoek is slegs om te bepaal of dit waar is. Ons wil 'n volledige en deeglike ondersoek doen,” het Kauta uitdruklik gesê.
Hy het gesê Mulunga is bewus van die ondersoek.
"Dit is nie 'n onwettige ondersoek nie," het hy bygevoeg.
Die direksievergadering het ook Mulunga se besluit herroep om die bestuurder van die handelseenheid, mnr. Kosmos Damaseb, te skors.
Mulunga het Damaseb geskors omdat hy opdragte na bewering nie uitgevoer het om 'n projek by die Tsandi-diensstasie te voltooi nie.
Namcor sou die kleinhandelmark met behulp van dié projek kon binnedring met Teya Investment.
Me. Damcor Muruko, Namcor se uitvoerende hoof van korporatiewe bestuur, sal as besturende direkteur optree terwyl Mulunga met verlof is.
Kommentaar
Republikein
Geen kommentaar is op hierdie artikel gelaat nie